Өнөөдөр гадаа 20 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 10-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 191 дахь өдөр бөгөөд он дуусахад 174 хоног үлдлээ.
- Цаг агаар өдөртөө 20 хэмийн дулаан бол шөнөдөө 6 градус дулаан байх нь ээ.
- Билгийн тооллын 20. Сугар гараг. Шувуун хушуут одтой, Хоёр хар мэнгэтэй хөх бар өдөр. Өдрийн наран 5 цаг 04 минутад мандан, 20 цаг 51 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахадад сайн. Золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш 2836.00 төгрөгтэй тэнцэж байгаа бол бусад валют болох рубль 40.30, юань 402.50, вон 2.37 төгрөг байна.
Өнөөдөр болох онцлох үйл явдлууд:
- 09.00 цагт Монгол Улсын Төрийн далбааг мандуулах ёслол жанжин Д.Сүхбаатарын талбайд болно.
- 10.00 цагт Нийслэлийн хэвлэл мэдээллийн төвд "Нийслэлийн Иргэдийн төсөв-2020" эмхэтгэлийг боловсруулан гаргасан талаар холбогдох албаны хүмүүс мэдээлнэ. Утас: 11-325044
- 10.00 цагт Монгол Улсын Засгийн газрын шинэ бүрэлдэхүүний анхдугаар хуралдаан болно.
- 11.00 цагт ЭМЯ-наас шинэ коронавирусний нөхцөл байдлын талаар цахимаар мэдээлнэ.
Энэ өдөр дэлхийн түүхэнд:
- 1856 оны энэ өдөр Серби-Америкийн физикч, инженер Никола Тесла мэндэлж байжээ.
- 1983 оны энэ өдөр БНСУ-ын алдарт Super junior хамтлагчийн дуучин, жүжигчин Хичүл мэндэлжээ.
- 2000 онд Сансарын хөлөг, онгоц үйлдвэрлэлийн томоохон төлөөлөгч EADS үүсчээ.
- 2005 онд АНУ-ын Флорида мужид "Деннис" хэмээх хүчтэй хар салхи дэгдэж, хэдэн тэрбум ам.долларын хохирол үүсгэж байжээ.
- 2011 онд ОХУ-ын "Bulgaria" усан онгоц далайд осолдож, дотор нь сууж явсан 122 хүн нас баржээ
