Өнөөдөр гадаа 29 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 09-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 190 дахь өдөр бөгөөд он дуусахад 175 хоног үлдлээ.
- Цаг агаар өдөртөө 23 хэмийн дулаан бол шөнөдөө 6 градус дулаан байх нь ээ.
- Билгийн тооллын 19. Бархасвадь гараг. Чөдөр одтой, гурван хөх мэнгэтэй харагчин үхэр өдөр. Өдрийн наран 5 цаг 03 минутад мандан, 20 цаг 52 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, мал арилжих, буг дарах, газрын ам бооход сайн. Цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн хэмээжээ.
- Манай улсын голлох валют болох ам.долларын ханш 2836.00 төгрөгтэй тэнцэж байгаа бол бусад валют болох рубль 40.30, юань 402.50, вон 2.37 төгрөг байна.
Өнөөдөр болох онцлох үйл явдлууд:
- 11.00 цагт Эрүүл мэндийн яамнаас шинэ коронавирусний нөхцөл байдлын талаар цахимаар мэлээлнэ.
- 11.30 цагт Зууны мэдээ сонины "Үндэсний мэдээллийн төв"-д Хилийн чанад дахь Монголчуудын зөвлөл ТББ болон гадаадад гацсан иргэдийн ар гэрийн төлөөллөөс Гадаадад гацсан Монголчуудын байдал хурцдаж байгаа тухай мэдээлнэ.
- 12.00 цагт WЕ хамтын оффисын Аюуд цамхаг 1401 тоотод General equality төслөөс хэрэгжүүлж буй гэрэл зургийн "Зүүм" 5 дахь цуврал сургалт болно. Утас: 88004205
- 18.30 цагт White rock centert-т Ш.Амартүвшин багшийн өөрийн амьдралын бодит түүхээс сэдэвлэсэн “Ноён үрэлгэн ба Хатагтай хэмнэгч” номын нээлт болно. Утас: 99102922
Энэ өдөр дэлхийн түүхэнд:
- Өнөөдөр Австрали болон Палау улсуудад Үндсэн хуулийн өдөр тохиож байна.
- 1990 оны энэ өдөр Бразилын шигшээ багийн тамирчин Фабио да Силва мэндэлжээ.
- Мөн 1956 оны энэ өдөр АНУ-ын алдарт жүжигчин, продюсер, найруулагч Том Хэнкс мэндэлжээ. Түүнийг Филадельфи киноны Андрей Беккет, Форрест Гамп киноны гол дүр, Аполло 13 киноны ахлагч Жеймс Артур Ловелл, Цэрэг Райныг аварсан нь киноны ахмад Жон Миллерийнх нь дүрээр илүүтэй сайн мэдэх биз ээ.
- 2011 онд Өмнөд Судан тусгаар тогтнолоо олж авчээ.
- 2006 онд "Irkutsk" онгоцны буудал дээр S7 Airlines Flight 778 нислэг бороотой үед газардаж байгаад осолдож, зорчиж явсан 125 хүн нас баржээ.
