Өнөөдөр гадаа 29 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 189 дахь өдөр бөгөөд он дуустал 176 хоног үлдлээ.
- Цаг агаар өдөртөө +29 хэмийн дулаан бол шөнөдөө +18 градус дулаан байх нь ээ. Мөн өдөртөө түр зуурын бороо орох юм байна.
- Билгийн тооллын 18. Буд гараг. Тооно одтой, дөрвөн ногоон мэнгэтэй хар хулгана өдөр. Өдрийн наран 5 цаг 02 минутад мандан, 20 цаг 52 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, лусыг тахих, хүүхэд үрчлэн авах, урлан бүтээхэд сайн. Улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
- Манай улсын голлох валют болох ам.долларын ханш 2836.00 төгрөгтэй тэнцэж байгаа бол бусад валют болох рубль 40.30, юань 402.50, вон 2.37 төгрөг байна.
Өнөөдөр болох онцлох үйл явдлууд:
- 10.00 цагт Мал эмнэлгийн ерөнхий газарт Монголын бэлчээр ашиглагчдын нэгдсэн холбоо болон Мал эмнэлгийн ерөнхий газар хамтран ажиллах гэрээ байгуулна. Утас: 99296029
- 10:00 цагт Прокурорын байгууллагаас 2020 оны эхний хагас жилд хийсэн ажил, Нийслэлийн Прокурорын газраас хяналт тавьсан олны анхаарал татсан эрүүгийн хэргүүдийн шийдвэрлэлт, явц байдлын талаар мэдээлнэ. Утас: 99847727
- 10.30 цагт Кино үйлдвэрт ХЗДХЯ, Архивын ерөнхий газар, ШШҮХ-ийн ажилчдын орон сууцны нээлт болно. Утас: 99196706
- 11.00 цагт АН-ын байранд тус намын даргад нэр дэвшигч А.Цэрэнбат үнэмлэх гардан авах үеэрээ сонгуулийн луйврын талаар мэдэгдэл хийнэ.
- 11.00 цагт Хүй долоон худагт Экологийн цагдаагийн албанаас хэрэгжүүлж буй "ИРЛЭЭ-ЯВЛАА-ЦЭВЭР" аяны нээлт болно. Утас: 80090228
- 11.00 цагт Эрүүл мэндийн яамнаас шинэ коронавирусний нөхцөл байдлын талаар цахимаар мэдээлнэ.
Энэ өдөр дэлхийн түүхэнд:
- 1994 оны энэ өдөр БНАСАУ-ын анхны удирдагч Ким Ир Сен таалал төгсчээ.
- 1994 онд Ким Ир Сен таалал төгссөний дараа түүний хүү Ким Чен Ир түүний орыг залгамжилж, Хойд Солонгосын удирдагч болсон байна.
- 1948 онд АНУ-ын агаарын хүчин анхны эмэгтэй дадлагажигчтай болжээ.
- 1889 онд АНУ-ын "The Wall Street Journal" сэтгүүлийн анхны дугаар хэвлэгджээ
