Өнөөдөр гадаа 25 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
6 дугаар сарын 29-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 180 дахь өдөр бөгөөд он дуусахад 185 хоног үлдлээ.
- Цаг агаар өдөртөө 25 хэмийн дулаан бол шөнөдөө 16 градус дулаан байх нь ээ.
- Билгийн тооллын 16, зургаан цагаан мэнгэтэй хар луу өдөр. Өнөөдөр үсээ авахуулах буюу засуулбал өвчин ирэх гэнэ. Энэ өдөр хулгана, бич жилтнээ аливаа үйлийг хийхэд эерэг сайн,бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2829.00 төгрөгтэй тэнцэж байгаа бол бусад валют болох рубль 41.50, юань 400.50, вон 2.35 төгрөг байна.
Өнөөдөр болох онцлох үйл явдлууд:
- 09:00 цагт Сонгуулийн Ерөнхий Хорооноос өнөөдөр хяналтын тооллогын дүнг танилцуулна
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
- 11.00 цагт Төрийн ордонд Шадар сайд Ө.Энхтүвшин зам тээвэр, иргэний нисэхийн 24 ажилтныг түрээсийн орон сууцанд оруулах батламж гардуулна.
- 11.30 цагт Гэр бүл, хүүхэд, залуучуудын хөгжийн газраас өөрийн байрандаа Үндэсний их баяр наадмын үеэр хүүхдийн эрх, аюулгүй байдлыг хэрхэн хангах талаар мэдээлнэ. Утас: 98116663, 99287297
- 12.00 цагт Улсын драмын эрдмийн тeатрт эрүүл мэндийн салбарын 400 ажилтныг орон сууцанд оруулах батламж гардуулна. Утас: 99179899
- 12.00 цагт ХҮН-ын байранд "Зөв хүн-Электорат" эвслээс цаг үеийн асуудлаар мэдээлнэ.
- 12.00 цагт Хэвлэлийн хүрээлэнд төрийн болон ТББ-ууд Монгол Улсад хэвлэл мэдээлэл, мэдээллийн суурь боловсролыг нийгмийн бүхий л хүрээнд хөгжүүлэх Үндэсний сүлжээ байгуулах баримт бичигт гарын үсэг зурна.
- 15.00 цагт “Blue Sky” зочид буудалд “Халдварт бус өвчин, осол гэмтлийн шалтгаан, эрсдэлт хүчин зүйлсийн тархалтын үндэсний дөрөвдүгээр судалгаан”-ы тайланг холбогдох албанынханд хүлээлгэн өгнө. Утас: 91919617
Энэ өдөр дэлхийн түүхэнд:
Өнөөдөр бол Голланд улсын Цагаан хоолны өдөр юм байна.
Мөн өнөөдөр Эквадор улсад Инженерүүдийн баярын өдөр тохиож байгаа аж.
1979 оны энэ өдөр Английн хөлбөмбөгч Andy O'Brien мэндэлжээ.
Мөн 1978 оны энэ өдөр Америкийн алдарт дуучин, Pussycat Dolls хамтлагийн ахлагч байсан Nicole Scherzinger мэндэлжээ.
2007 онд Apple корпораци анхны Iphone утсаа олон нийтэд танилцуулжээ.
