Өнөөдрийн тухай таны мэдэх ёстой 13 зүйл: "Сонгох эрх ба залуусын оролцоо" цахим уулзалт болно

Өнөөдөр гадаа 28 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

6 дугаар сарын 18-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 169 дахь өдөр бөгөөд он дуусахад 199 хоног үлдлээ.
2. Цаг агаар өдөртөө 28 хэмийн дулаан бол шөнөдөө 12 градус дулаан байх нь ээ. 
3. Билгийн тооллын 27, Нэгэн эхийн зургаан хөвгүүн одтой, хар луу өдөр. Өдрийн наран 4 цаг 53 минутад мандан, 20 цаг 54 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, угаал үйлдэх, бороо хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар шороо ухахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал өлзийтэй сайн.
4. Манай улсын голлох валют болох ам.долларын ханш 2825.00 төгрөгтэй тэнцэж байгаа бол бусад валют болох рубль 41.50, юань 399.30, вон 2.34 төгрөг байна.

Өнөөдөр болох онцлох үйл явдлууд: 

1. 11.00 цагт Эрүүл мэндийн яамнаас коронавирусний асуудлаар цахимаар мэдээлнэ. Утас: 99179899
2. 14.00 цагт ХЭҮК, Нээлттэй Нийгэм Форумаас фейсбүүк дэх “Open Society Forum” хаягаар дамжуулан "СОНГОХ ЭРХ БА ЗАЛУУСЫН ОРОЛЦОО" цахим уулзалт зохион байгуулна.
   

Энэ өдөр дэлхийн түүхэнд: 

1. Их Британид Ватерлоогийн тулалдааныг эргэн дурсах өдөр тохиож байна.
2. Мөн Камбож улсад "Эх хатан" хэмээн дуурсагддаг Norodom Monineath хатны мэндэлсний 82 жилийн ойг тэмдэглэнэ.
3. Азербайжанд Хүний эрхийг хамгаалах өдөр тохиож буй.
4. Италийн хөлбөмбөгчин бөгөөд Рома багийн жигүүрийн довтлогч Марко Боррьелло 1982 оны энэ өдөр мэндэлжээ.
5. 1979 онд АНУ, ЗХУ "SALT II"-ын гэрээнд гарын үсэг зуржээ.
6. 2006 онд Казакын сансрын анхны хиймэл дагуул болох "KazSat-1" хөөрчээ.
7. 1982 онд Италийн банкны эзэн Roberto Calvi-гийн цогцос Английн Лондон хотын "Blackfriars" гүүрэнд өлгөөтэй байгаагаар олджээ.