Өнөөдрийн тухай таны мэдэх ёстой 13 зүйл: ЦЕГ-аас УИХ-ын ээлжит сонгуулийн сурталчилгааны талаар мэдээлнэ

Өнөөдөр гадаа 31 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

6 дугаар сарын 15-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 166 дахь өдөр бөгөөд он дуусахад 199 хоног үлдлээ.
2. Цаг агаар өдөртөө 31 хэмийн дулаан бол шөнөдөө 11 градус дулаан байх нь ээ.
3. Билгийн тооллын 25. Сумъяа гараг. Дэлгэрүүлэгч одтой, есөн улаан мэнгэтэй шарагчин үхэр өдөр. Өдрийн наран 4 цаг 52 минутад мандан, 20 цаг 53 минутад жаргана. Тухайн өдөр тахиа, могой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, мал арилжих, буг дарах, газрын ам бооход сайн. Эрдэнийг гадагш өгөх,, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.
4. Манай улсын голлох валют болох ам.долларын ханш 2822.00 төгрөгтэй тэнцэж байгаа бол бусад валют болох рубль 41.50, юань 398.50, вон 2.34 төгрөг байна.

Өнөөдөр болох онцлох үйл явдлууд: 

1. 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
2. 11.30 цагт “Үндэсний мэдээллийн төв”-д Бизнес эрхлэгчдийн нэгдлээс цар тахлын үед бизнес эрхлэгчдэд тулгарч буй хүндрэлийн талаар мэдээлнэ.
3. 12:00 цагт Төрийн ордонд УИХ дахь АН-ын зөвлөлөөс цаг үеийн асуудлаар мэдээлнэ.
4. 12.30 цагт Нийслэлийн цагдаагийн удирдах газарт ТЕГ,  ЦЕГ-аас УИХ-ын ээлжит сонгуулийн сурталчилгааны талаар мэдээлнэ.
5. 14.00 цагт Шүүхийн ерөнхий зөвлөлийн байранд “Нээлттэй шүүх” хэвлэлийн бага хурал болно. Утас: 99122141, 96664674, 99047909

Энэ өдөр дэлхийн түүхэнд: 

1. Өнөөдөр Итали улсын Инженерүүдийн баярын өдөр юм байна.
2. 1953 оны энэ өдөр БНХАУ-ын дарга Си Зиньпин мэндэлжээ.
3. 2013 онд Пакистанд автобусанд бөмбөг дэлбэрч, 25 орчим хүн амь насаа алдаж, 22 орчим хүн шархаджээ.
4. 2014 онд Пакистан Хойд Вазирастаны босогчдын эсрэг албан ёсоор цэргүүдийг дайчилжээ.
5. 1994 онд Израиль болон Ватикан хот дипломат харилцаа тогтоожээ.