Өнөөдрийн тухай таны мэдэх ёстой 13 зүйл: Х.Оюунцэцэгийн сонгуулийн штабт зөвшөөрөлгүй шалгалт хийссэн талаар мэдээлнэ

Өнөөдөр гадаа 14 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.

6 дугаар сарын 12-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 163 дахь өдөр бөгөөд он дуусахад 202 хоног үлдлээ.
2. Цаг агаар өдөртөө 14 хэмийн дулаан бол шөнөдөө 7 градус дулаан байх нь ээ. 
3. Билгийн тооллын 22, Чөдөр одтой, улаан нохой өдөр. Өдрийн наран 4 цаг 53 минутад мандан, 20 цаг 51 минутад жаргана. Тухайн өдөр морь жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лус тахих, хүүхэд үрчлэн авах, гэр, байшингийн суурь тавихад сайн. Нүүдэл суудал хийх, хэрүүл тэмцэл хийх, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно.
4. Манай улсын голлох валют болох ам.долларын ханш 2820.00 төгрөгтэй тэнцэж байгаа бол бусад валют болох рубль 41.80, юань 399.50, вон 2.35 төгрөг байна.

Өнөөдөр болох онцлох үйл явдлууд: 

1. 09.00 цагт Улсын Нэгдүгээр төв эмнэлэгт "Эмнэл зүйн ховор тохиолдлын үндэсний анхдугаар чуулган”-ы цахим нээлт болно. Утас:93116060
   
2. 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
3. 11.30 цагт ШИНЭ эвслээс УИХ-н 27-р тойрогт нэр дэвшигч Х.Оюунцэцэгийн сонгуулийн штабт зөвшөөрөлгүй шалгалт хийссэн талаар СЕХ-нд гомдол, мэдэгдэл хүргүүлнэ.
4. 13.30 цагт Үндэсний цэцэрлэгт хүрээлэнд Монгол, БНЭУ дипломат харилцаа тогтоосны 65 жилийн ойн хүрээнд байгуулсан Монгол-Энэтхэгийн найрамдлын төглийн нээлт болно.
   

Энэ өдөр дэлхийн түүхэнд: 

1. Өнөөдөр Хүүхдийн хөдөлмөртэй тэмцэх дэлхийн өдөр тохиож байна.
2. 1967 оны энэ өдөр Англи-Австралийн жүжигчин Frances O'Connor мэндэлжээ.
3. 2017 онд АНУ-ын сурагч Otto Warmbier Хойд Солонгосын шоронд 17 сар хоригдсоны дараа гэртээ сэхээний байдалтай иржээ. Харамсалтай нь, гэртээ ирчихээд долоо хонолгүй нас барсан байна.
4. 2016 онд Флорида мужийн Орландо хотын ижил хүйстнүүдийн ордог шөнийн клубт Omar Mateen хэмээх эр гал нээсний улмаас 49 хүн амь үрэгдэж, 58 хүн шархдаж байжээ.
5. 1997 онд II Элизабет Лондон хотын "Globe" театрыг сэргээн засварлаж, дахин нээжээ.