5 дугаар сарын 11-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 131 дахь өдөр бөгөөд он дуусахад 234 хоног үлдлээ.
- Цаг агаар өдөртөө 16 хэмийн дулаан бол шөнөдөө 2 градус дулаан байх нь ээ.
- Билгийн тооллын 19, Суулга одтой, хөх бар өдөр. Өдрийн наран 5 цаг 19 минутад мандан, 20 цаг 18 минутад жаргана. Тухайн өдөр морь, нохой жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн.
- Манай улсын голлох валют болох ам.долларын ханш 2797.00 төгрөгтэй тэнцэж байгаа бол бусад валют болох рубль 38.70, юань 395.00, вон 2.25 төгрөг байна.
Өнөөдөр болох онцлох үйл явдлууд:
- Төрийн ордонд УИХ дахь МАН-ын бүлэг, АН, ШИНЭН-ын зөвлөл хуралдана.
- 10.00 цагт АТГ-ын гадна талбайд төрийн өндөр албан тушаалтнууд ХОМ-тээ өөрийн эзэмшлийн компани болон түүний орлогоо мэдүүлээгүй талаар иргэний нийгмийн байгууллагууд мэдээлнэ. Утас : 99797227
- 11.00 цагт Эрүүл мэндийн яамнаас коронавирусний асуудлаар цахимаар мэдээлнэ.
Энэ өдөр дэлхийн түүхэнд:
- Өнөөдөр Вьетнам улсад Хүний эрхийг хамгаалах өдөр тохиож байна.
- Мөн Энэтхэгт Техник технологийн өдрийг тэмдэглэн өнгөрүүлж байна.
- 2013 онд Турк улсад болсон бөмбөгдөлтийн үеэр 52 хүн амь насаа алдаж байжээ.
- 2010 онд Дэвид Камерон Их Британийн Ерөнхий сайд болжээ.
- 1998 онд Энэтхэг улс гурван удаагийн газар доорх цөмийн туршилтыг явуулж байжээ.
- 1996 онд Эверест Оргилд нэг өдрийн дотор 8 уулчин нас баржээ.
- 1949 онд Израйль улс НҮБ-д нэгджээ.
