АНУ-ын Нью-Орлеан хотын Франц дүүрэгт үл мэдэгдэх этгээд гал нээсний улмаас 11 хүн шархадсан тухай "ABC News" суваг мэдээлжээ. Гэмт этгээд гудамжин явж байсан хүмүүс руу буудаж өөрөө шархдаж, эмнэлэгт хүргэгдсэн байна. Ердөө хэдхэн цагийн дараа тус хотын өөр нэг дүүрэг мөн л үл мэдэгдэх этгээд гал нээсний улмаас 2 хүн амь үрэгдэж, өөр 2 хүн шархаджээ. Гэт хэргийн сэдэлтийг одоогоор тогтоогоогүй байгаа бөгөөд хоорондоо холбоотой эсэхийг цагдаагийн газар шалгаж байгаа аж.
