МЭӨ 31 оны энэ өдөр Акциумын тулалдаан Эртний Ромын иргэний дайныг дуусгажээ. Эл тулалдааныг эртний үеийн хамгийн сүүлчийн тулалдаан хэмээн тооцдог аж.
- 911 оны энэ өдөр Киевийн Орос болон Византын хооронд энхийн гэрээ байгуулагджээ.
- 1192 оны энэ өдөр Яффагийн энхийн гэрээ Загалмайтны гуравдугаар аянд цэг тавьжээ.
- 1642 оны энэ өдөр Английн хувьсгалт парламент театруудыг хаажээ.
- 1752 оны энэ өдөр Их Британи болон түүний колони улсуудын хувьд Юлианы он тооллын хамгийн сүүлийн өдөр болжээ. Маргааш нь Григорианы он тоололд шилжжээ.
- 1762 оны энэ өдөр Курлянд (одоогийн Латви улсын баруун хэсэгт оршиж байсан вант улс) Оросын армийг нутаг дэвсгэртээ оруулан, үнэн алдартны сүм барихад саад боохгүй гэсэн амлалт авчээ.
- 1789 оны энэ өдөр АНУ-ын Сангийн яам байгуулагджээ.
- 1792 оны энэ өдөр Францад “есдүгээр сарын хядлага” эхэлжээ. Хувьсгалчид шоронгийн хоригдлуудыг хоморголон устгажээ.
- 1807 оны энэ өдөр Английн тэнгисийн хүчин Копенгагеныг их буугаар буудаж эхэлжээ.
- 1812 оны энэ өдөр Наполеоны арми Москваг эзэлжээ.
- 1834 оны энэ өдөр Кольт гар буу бүтээгджээ.
- 1885 оны энэ өдөр АНУ-ын Рок-Спрингс хотод цагаан арьстан цагаачид хятад цагаачдыг хоморголон устгажээ.
- 1919 оны энэ өдөр АНУ-д төмөр замын ажилчид ажил хаяхыг хоригложээ.
- 1935 оны энэ өдөр хөгжмийн зохиолч Жорж Гершвин “Порги ба Бесс” дууриа бичиж дуусжээ.
- 1945 оны энэ өдөр Япон улс бууж өгснөөр Дэлхийн II дайн албан ёсоор дуусжээ.
- 1945 оны энэ өдөр Ардчилсан Вьетнам улс байгуулагджээ.
- 1949 оны энэ өдөр Югослав улс ЗХУ-тай тэнгисийн болон агаарын гэрээгээ цуцалжээ.
- 1958 оны энэ өдөр Хятадын телевиз цацагдаж эхэлжээ.
- 1959 оны энэ өдөр Sony компани транзистор радио үйлдвэрлэж эхэлжээ.
- 1962 оны энэ өдөр ЗХУ Кубийн цэргийн боловсон хүчнийг бэлтгэнэ гэж мэдэгджээ.
- 1969 оны энэ өдөр Калифорнийн Их сургуулийн лабораторид өгөгдөхүүнийг нэг компьютероос нөгөө рүү амжилттай шилжүүлжээ. Эл туршилт “цахим ертөнцийн төрсөн өдөр” хэмээн тооцогддог.
- 1971 оны энэ өдөр Арабын Нэгдсэн Бүгд Найрамдах улс Египет, Сири гэж задарчээ.
- 1991оны энэ өдөр Уулын Карабах Азербайжанаас салж тусгаар тогтнож буйгаа зарлажээ.
- 1991 оны энэ өдөр АНУ Прибалтын Латви, Литв, Эстон гурван улсын тусгаар тогтнолыг хүлээн зөвшөөрчээ.
- 1996 оны энэ өдөр ЗХУ-д хамгийн сүүлийн цаазын ялыг гүйцэтгэжээ.
- 20101 оны энэ өдөр АНУ Израиль-Палестины хэлэлцээрийг эхлүүлжээ.
