Өнөөдөр гадаа -6 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
1 дүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 21 дахь өдөр бөгөөд он дуусахад 344 хоног үлдлээ.
- Цаг агаар өдөртөө -6 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 15, долоон улаан мэнгэтэй шар морь өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр бар, нохой жилтнээ аливаа үйлийг хийхэд эерэг сайн, луу, хонь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2650.00 төгрөгтэй тэнцэж байгаа бол бусад валют болох рубль 40.40, юань 392.00, вон 2.38 төгрөг байна.
Өнөөдөр болох онцлох үйл явдлууд:
- 13.17 цагт сар тэргэл болно.
- 11.00 цагт Монгол Улсад Ардын гэгээрлийн яам байгуулагдсаны 95 жилийн ойд зориулсан эрдэм шинжилгээний бага хурал БСШУСЯ-ны 401 тоотод болно.
- 11.00 цагт одонтой ээжүүдийн дунд зохиогдсон "Mrs Mongolia world-2018" тэмцээний тэргүүн мисс, дөрвөн хүүхдийн ээж А.Дэлгэрцэцгийг "Хүүхэд хамгааллын элч"-ээр батламжилна.
- Сар шинийн баярыг тохиолдуулан зохион байгуулдаг “Архангайн Цагаан идээний үзэсгэлэн худалдаа”-ны нээлтийн үйл ажиллагаа 13.30 цагт Тусгаар тогтнолын талбайд болно.
- НМХГ-ын 5 давхарын хурлын танхимд 10.30 цагаас "Сар шинийн баярыг угтсан хяналт шалгалт"-ын явцын талаар хэвлэлийн бага хурал хийнэ.
- 09.00-17.00 цагт ШУТИС-ийн номын сангийн 604 тоотод болох "Эх түүхийн хичээл, шинэ хандлага" үндэсний семинар, форум болно.
- Улаанчулуут дахь хогийн цэг дээр амьдардаг айл өрхийн хүүхдүүдийг дэмжих зорилгоор “Нямбаатар сан”, “Вэлүү сан” хамтран байгуулсан “Нарны Хүүхдүүд-2” цэцэрлэг 12.00 цагаас нээлтээ хийнэ.
Энэ өдөр дэлхийн түүхэнд:
- 2017 онд АНУ-ын 400 хот, дэлхийн 160 гаруй хотод Дональд Трампыг эсэргүүцсэн эмэгтэйчүүдийн жагсаал нэгэн зэрэг зохион байгуулагдав.
- 1999 онд Хар тамхитай хийх дайн: АНУ-ын Эргийн хамгаалалтын газар мөрдөн шалгах ажиллагаа явуулсны дүнд 4,300 кг хар тамхийг устгалд оруулав.
- 1997 онд АНУ-ын Төлөөлөгчдийн танхимын 395 гишүүн Төлөөлөгчдийн танхимын дарга Ньют Женрихийг үндэсний цөөнх рүү дайрч ёс бус үг хэрэглэсэн гэж үзэн сахилгын шийтгэл оногдуулахаар болжээ. Ингэснээр Төлөөлөгчдийн танхимаас сахилгын шийтгэл оногдуулсан анхны дарга болсон юм.
- 1981 онд Их Британийн Умард Ирландын Данмарри хотод ДеЛорин компани домогт DMC-12 загвараа угсарч эхлэв.
- 1961 онд Өмнөд Африкийн Фрий Стейт мужийн Колбрүүк нүүрсний уурхай нурав. Зөолөөр 435 уурхайчин бүгд аврагджээ.
- 1954 онд Дэлхийн хамгийн анхны цөмийн зэвсэг тээсэн хөлөг онгоц АНУ-ын зэвсэглэлд нэвтэрчээ.
- 1948 онд Квебек мужийн Үндэсний Ассемблей хуралдаж, Квебек мужийн далбааг баталжээ. Тус муж энэ өдрийг далбааны өдөр болгон тэмдэглэдэг уламжлалтай.
