Өнөөдрийн тухай таны мэдэх ёстой 15 зүйл: "МОНГОЛ ЧУЛУУ-2019" үзэсгэлэн нээлтээ хийнэ

Өнөөдөр гадаа -11 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

1 дүгээр сарын 18-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 18 дахь өдөр бөгөөд он дуусахад 347 хоног үлдлээ.
2. Цаг агаар өдөртөө -11 хэмийн хүйтэн бол шөнөдөө -24 градус хүйтэн байх нь ээ. 
3. Билгийн тооллын 12, нэг цагаан мэнгэтэй хөхөгчин туулай өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр хонь, гахай жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2655.00 төгрөгтэй тэнцэж байгаа бол бусад валют болох рубль 40.30, юань 393.00, вон 2.37 төгрөг байна.

Өнөөдөр болох онцлох үйл явдлууд: 

1. Гэмт хэргээс урьдчилан сэргийлэхэд орчин үеийн дэвшилтэд техник, технологийг нэвтрүүлэх зорилгоор "SECURITY EXPO-2019" үзэсгэлэнг 10.00-19.00 цагийн хооронд Буянт-Ухаа Спорт цогцолборт зохион байгуулна.
2. "МОНГОЛ ЧУЛУУ-2019" үзэсгэлэн Үлэг гүрвэлийн төв муүейд нээлтээ хийнэ.
   
3. 09.00-17.00 цагт ШУТИС-ийн номын сангийн 604 тоотод "Эх түүхийн хичээл, шинэ хандлага" үндэсний семинар, форум болно.
   
4. Нийслэлийн ИТХ-ын тэргүүлэгчдийн хуралдаан НЗДТГ-ын А танхимд 10.00 цагт хуралдана.

Энэ өдөр дэлхийн түүхэнд: 

1. 2009 онд Газын зурвас: Палестины газар нутгийн төлөө тэмцэгч Хамас бүлэглэл, Израйлийн батлан хамгаалах армитай энхийн гэрээ байгуулж, олон хоног үргэлжилсэн гал зогсчээ.
   
2. 2005 онд Францын Тулүз хотод агаарын тээврийн дэлхийн хамгийн том онгоц гэгдэх Airbus A380 онгоцыг албан ёсоор танилцуулав.
   
3. 1993 онд АНУ даяар өнгөт арьстнуудын эрхийн төлөө цогтой тэмцэгч Мартин Лютер Кингийн өдрийг албан ёсоор анх удаа тэмдэглэжээ.
   
4. 1990 онд АНУ-ын нийслэл Вашингтон хотын захирагч Марион Барриг хар тамхины хэргээр баривчлав.
   
5. 1983 онд Олон улсын олимпын хороо 1912 оны зээрэнцэг болон олон төрөлтийн тэмцээнд түрүүлсэн Жим Торпын алтан медалийг төрөл төрөгсдөд нь гардуулан өгчээ.
   
6. 1974 онд Израйл-Египетийн хооронд үүсээд байсан маргааныг эцэслэж, хоёр тал энхийн гэрээнд гарын үсэг зурав.
   
7. 1896 онд Англид рентген туяаны аппаратыг Х.Л.Смит бүтээж, олон нийтэд сонирхуулав.