Өнөөдөр гадаа -12 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
1 дүгээр сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 16 дахь өдөр бөгөөд он дуусахад 349 хоног үлдлээ.
- Цаг агаар өдөртөө -12 хэмийн хүйтэн бол шөнөдөө -24 градус хүйтэн байх нь ээ.
- Билгийн тооллын 10, гурван хөх мэнгэтэй харагчин үхэр өдөр. Өнөөдөр үсээ авахуулах буюу засуулбал эрч хүч ихсэх гэнэ. Энэ өдөр тахиа жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2664.00 төгрөгтэй тэнцэж байгаа бол бусад валют болох рубль 40.20, юань 394.50, вон 2.37 төгрөг байна.
Өнөөдөр болох онцлох үйл явдлууд:
- Нийслэлийн ИТХ-ын ээлжит бус VI хуралдаан Хангарди ордны 14 давхарт 10.00 цагт хуралдана. Хуралдаанаар нийслэлийн Засаг даргыг томилох тухай болон бусад асуудлыг хэлэлцэнэ.
- Үндэсний мэдээллийн төвд 11600 цагаас НЦГ, Замын хөдөлгөөний удирдлагын төв хамтран гэмт хэргийн нөхцөл байдал, дохиолол хамгаалалт, камержуулалт, гэрэлтүүлгийн асуудлаар болон “Security Expo 2019”-ийн талаар мэдээлэл хийнэ.
- Монголын хөрөнгийн биржид шинээр бүртгэгдсэн "Түмэн шувуут" ХК-ийн анхдагч зах зээлийн арилжааны захиалгыг эхлүүлсэнтэй холбогдуулан арилжааны цан цохих ёслолын ажиллагаа Монголын хөрөнгийн биржийн байранд 09640 цагаас эхэлнэ.
- Үндсэн хуулийн цэцийн Их суудлын хуралдаан 09.30 цагаас эхэлнэ.
Энэ өдөр дэлхийн түүхэнд:
- 2016 онд Буркина Фасо улсын нийслэл Уагадугу хотын зочид буудал, ойролцоо орших ресторанд зэвсэгт этгээдүүд халдаж, 126 хүнийг барьцаалав. Олон цаг үргэлжилсэн ажиллагааны дүнд ихэнхийг нь суллаж чадсан ч 23 нь амиа алджээ.
- 2006 онд Либерийн Ерөнхийлөгчөөр сонгогдсон Элен Жонсон Сирлийф тангарагаа албан ёсоор өргөв. Ингэснээр тэрээр Африк тивийн анхны эмэгтэй төрийн тэргүүн болсон юм.
- 2002 онд НҮБ-ын Аюулгүй зөвлөл Аль Кайда, Талибан хөдөлгөөний эсрэг үйл ажиллагаа явуулах болсноо зарлаж, Осама бин Ладеныг аюултай хүнээр тооцов.
- 2001 онд АНУ-ын Ерөнхийлөгч Билл Клинтон, Теодор Рүүзвелтийг нас барснаас бараг 100 жилийн дараа "Хүндэтгэлийн медал"-иар шагнах зарлиг гаргажээ. Түүнийг Испани-Америкийн дайнд гарамгай гавьяа байгуулсан гэж үзэн шагнахаар болсон байна.
- 1992 онд Эль Сальвадор улсын Засгийн газар сөрөг хүчинтэй энхийн гэрээ байгуулж, 12 жил үргэлжилсэн иргэний дайн эцэслэжээ.
- 1991 онд Холбоотон гүрнүүдийн цэргийн анги нэгтгэл Ирак улсад нэвтэрч, "Персийн булангын дайн" эхлэв.
- 1969 онд ЗХУ-ын Союз 4 болон Союз 5 хөлөг задгай сансарт нэг, нэгэндээ ачаа зөөж хийн, сансарын нисгэгчид нь задгай сансарт ажиллаж, дэлхийн сансар судлалын түүхэнд шинэ хуудас нээв. Мөн дэлхийг тойрох анхны хиймэл дагуул болсон юм.
