Өнөөдөр гадаа -13 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
1 дүгээр сарын 9-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 9 дахь өдөр бөгөөд он дуусахад 356 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -22 градус хүйтэн байх нь ээ.
- Билгийн тооллын 2, хоёр хар мэнгэтэй хөхөгчин могой өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр үхэр жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2675.00 төгрөгтэй тэнцэж байгаа бол бусад валют болох рубль 40.20, юань 393.00, вон 2.37 төгрөг байна.
Өнөөдөр болох онцлох үйл явдлууд:
- Үндэсний мэдээллийн төвд 11.00 цагаас Төрийн албан хаагчдын төсөвт учруулсан хохирлын талаар “Иргэдийн шударга шүүх” ТББ, Ард түмний хяналтын төвөөс мэдээлэл хийнэ.
- "Зууны мэдээ" Үндэсний мэдээллийн төвд 11.30 цагаас Хөгжлийн бэрхшээлтэй иргэдийн холбооноос Улаанбаатарт зохион байгуулсан Зүүн хойд Азийн VIII чуулга уулзалтаас гарсан тунхаглал, дараагийн уулзалтыг Солонгост зохион байгуулахаар байсныг дахин манайд хийхээр болсон талаар, мөн цаг үеийн бусад асуудлаар мэдээлэл хийнэ.
- Эрдэнэс-Тавантолгой” ХК 10.00 цагаас цаг үеийн асуудлаар хэвлэлийн бага хурал хийнэ.
- Хавдрын Үндэсний Зөвлөл НҮТББ-ын санаачлага, олон нийтийн хандиваар хөдөө орон нутгаас ирэх хавдартай өвчтөнүүд үйлчлүүлэх боломжтой иж бүрэн тохижуулсан анхны төв үйл ажиллагаагаа эхлүүлэхээр боллоо. Төвийн нээлтийн ажиллагаа 13.00 цагт “Хавдрын Үндэсний Зөвлөл”-ийн байранд болно.
Энэ өдөр дэлхийн түүхэнд:
- 2007 онд Apple компанийн гүйцэтгэх захирал Стив Жобс iPhone ухаалаг гар утсыг албан ёсоор танилцуулав.
- 2005 онд Өмнөд Суданы ардын чөлөөлөх арми, Өмнөд Суданы Засгийн газартай энхийн гэрээнд гарын үсэг зурснаар, Суданы хоёр дахь иргэний дайн өндөрлөжээ.
- 1992 онд Босни Герцеговин дахь Серб иргэдийн ассемблей Югославын холбооны улсад өөрийгөө зарласан Српскагийн бүгд найрамдах улсыг байгуулав.
- 1957 онд Египетийн Засгийн газартай Суэцийн сувгийн асуудлаас болж, дипломат харилцаагаа сэвтээхэд хүргэсэн Их Британийн ерөнхий сайд Сир Энтони Эден албан тушаалаа өөрийн хүсэлтээр өгөв.
- 1951 онд Нэгдсэн Үндэстний Байгууллагын төв байр АНУ-ын Нью-Йорк хотноо албан ёсоор нээгдэв.
- 1923 онд Хуан де ла Чьерва автожираар ниссэн анхны хүн болов.
- 1920 онд Улаан Арми Эрхүү хотыг чөлөөлжээ.
