Өнөөдөр гадаа -22 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 359 дахь өдөр бөгөөд он дуусахад 6 хоног үлдлээ.
- Цаг агаар өдөртөө -22 хэмийн хүйтэн бол шөнөдөө -29 градус хүйтэн байх нь ээ.
- Билгийн тооллын 18, найман цагаан долоон улаан мэнгэтэй цагаагчин туулай өдөр. Өнөөдөр үсээ авахуулах буюу засуулбал эд малын гарлагатай гэнэ. Энэ өдөр хонь, гахай жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2648.00 төгрөгтэй тэнцэж байгаа бол бусад валют болох рубль 39.40, юань 383.50, вон 2.33 төгрөг байна.
Өнөөдөр болох онцлох үйл явдлууд:
- 12.30 цагт НЦГ-ын 108 тоотод цагдаа, онцгой байдал, мэргэжлийн хяналтын байгууллагаас цаг үеийн асуудлаар мэдээлэл хийнэ. Мөн цагдаагийн байгууллагаас сүүлийн үед үйлдэгдсэн гэмт хэргийн талаар болон сэрэмжлүүлэг мэдээлэл өгнө.
- УИХ-ын гишүүн Х.Нямбаатар сэтгүүлч эмэгтэйг шүүхэд өгсөн. Шүүх хурал Нийслэлийн шүүх дээр өглөө 09.00 цагт эхэлнэ.
- MN-Мэдээллийн төвд 12.00 цагаас “МАНАН дэглэмийн толгойлогч М.Энхболдыг огцруулъя” сэдвээр төрийн бус байгууллагууд нэгдэж мэдээлэл хийнэ.
- Эдийн засгийн байнгын хорооны хуралдаан 09.00 цагаас “Их Эзэн Чингис хаан” танхимд Зам, тээврийн хөгжлийн сайдыг үүрэгт ажлаас нь чөлөөлөх тухай асуудлыг хэлэлцэнэ.
Энэ өдөр дэлхийн түүхэнд:
- Өнөөдөр Зул сарын баярын өдөр буюу Христийн мэндэлсэн өдөр тохиож байна.
- Мөн Тайванд Үндсэн хуулиа баталсан өдөр тохиож буй.
- Энэтхэг улсад Сайн Засаглалын өдөр болж байна.
- 1932 онд Хятадын Гансу мужид 7.6 баллын хүчтэй газар хөдөлж, 275 хүний амь насыг авч оджээ.
- 1559 онд Пап лам Пиус IV сонгогдов.
- МЭ 336 онд Ромд Зул сарын баярыг тэмдэглэн өнгөрүүлэх тухай анхны албан бичиг бий болжээ.
