Өнөөдрийн тухай таны мэдэх ёстой 14 зүйл: Ам.долларын ханш огцом өссөөр байна

Есдүгээр сарын 13-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 256 дахь өдөр бөгөөд он дуусахад 109 хоног үлдлээ.
2. Цаг агаар өдөртөө 15 хэмийн дулаан бол шөнөдөө 3 градус дулаан байх нь ээ.
3. Билгийн тооллын 4, хоёр хар мэнгэтэй шар, бич өдөр. Өнөөдөр үсээ авахуулах буюу засуулбал бие эрхтний хүч сайжрах гэнэ. Энэ өдөр хулгана жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2497.00 төгрөгтэй тэнцэж байгаа бол бусад валют болох рубль 36.20, юань 362.70, вон 2.21 төгрөг байна.

Өнөөдөр болох онцлох үйл явдлууд:

1. Хэвлэлийн хүрээлэнд 11.00 цагаас Фэйсбүүкийн төлөөлөл Монголд ирсэн талаар болон манай улстай цаашид хэрхэн хамтарч ажиллах талаар мэдээлэл хийнэ.
2. 12.00 цагт Улаанбаатар хотын нийтийн төв номын санд “Миний анхны робот-3” сургалт, арга хэмжээ болно.
3. ХААИС болон Агроэкологийн сургуулийн 60 жилийн ойд зориулан үндэсний үйлдвэрлэлээ дэмжих зорилгоор эх орны эрүүл хөрсөнд ургуулсан хүнсний ногоо, цэцэг жимс, модлог ургамлын үзэсгэлэн худалдаа 10.00-17.00 цагийн хооронд ХААИС-ийн төв байранд болно.
4. 13.00 цагт Зууны мэдээ сонины Үндэсний мэдээллийн төвд Улс орон даяар багш нар ажил хаяж хүрээгээ улам тэлсээр байхад БСШУС-ын сайд Ц.Цогзолмаа ажил хаялтад анхаарлаа хандуулахгүй үл тоож гадаадад зугаалж яваа талаар Монголын багш нарын үйлдвэрчний эвлэлийн холбооноос мэдээлэл хийнэ.
5. ХӨДӨӨГИЙН СУУРЬ БОЛОВСРОЛЫН ЧАНАРЫГ АХИУЛАХАД МХТ-ИЙГ ОНОВЧТОЙ АШИГЛАХ” төслийн нээлтийн ажиллагаа 09.00 цагт Монгол Улсын Боловсрол, Соёл, Шинжлэх ухаан, Спортын Яамны 401 тоот хурлын танхимд болно.

Энэ өдөр дэлхийн түүхэнд:

1. 1974 онд Монголын сүмоч Нямжавын Цэвэгням (Кёкүтэнхо Масарү) мэндэлжээ.
2. Өнөөдөр Олон улсын шоколадны өдөр юм байна.
3. Мөн өнөөдөр Мавритий улсад Инженерүүдийн баярын өдөр тохиож байгаа юм байна.
4. 1980 оны энэ өдөр "Хөгжилтэй Чун Ян", "F4" зэрэг киногоороо олны танил БНСУ-ын алдарт жүжигчин Han Chae-young мэндэлжээ.
5. 1968 онд Албани улс Варшавын гэрээнээс гарчээ.