“Даншиг наадам-Хүрээ цам”-ын товыг өөрчилсөнд аялал жуулчлалынхан бухимдав

Монголын шашин, соёлын зан үйл, уламжлалт хэв шинжийг хадгалсан “Даншиг наа­дам-Хүрээ цам” наадам жил бүрийн найм­дугаар сард болдог уламжлалтай. Уг арга хэм­жээ нь манай улсын аялал жуулч­лалын онцлох эвентүүдийн нэг бөгөөд га­даад, дотоодын жуулчид өргөнөөр зорьдог. Тийм ч учраас аяллын агентлаг, тур опе­раторууд өмнөх жи­лээс нь эхлээд дан­шиг наадмын урьдчилсан за­хиалга авч, жуул­чидтай гэрээ байгуулдаг юм билээ. Гэтэл нийслэлийн Засаг дарга Х.Ням­­­баатар салбарын бизнес эрхлэгч, тур опе­ра­тор компанийнхантай зөвлөлгүй, тэдэнд урьд­­чи­лан мэдэгдэлгүй  өнөө жилийн “Даншиг наадам-Хүрээ цам”-ыг зургаадугаар са­­рын 21, 22-нд зохион бай­гуулахаар захи­рамж гар­гачихжээ. Үүнд унтууцсан аялал жуулч­ла­лын салбарынхан хотын дар­гыг бодлогогүй шийд­вэрээ эргэж харахыг шаардаж байна. 2025 онд л зөвхөн зургаадугаар сард зохион бай­гуулах уу, эсвэл дараа жил дахин өөрч­лөх үү гэдэгт хариулт өгч, ийм шийдвэр гар­гасан үндэс­лэлээ тайлбарлахыг түүнээс шаард­ав. Үүнтэй холбоотойгоор Монголын аялал жуулчлалын холбооноос салбарын судлаач, мэргэжилтэн, бизнес эрхлэгчдийн дунд даншиг наадмын товыг өөрчлөх, эсэх талаар санал асуулгыг ч явуулж буй гэнэ. Тэд “Аялал жуулчлалын салбарын онцлог, уялдаа холбоо, хэмнэлийг мэдэхгүй бол ядаж мэргэжлийн хүмүүсээс асуу, саналыг нь сонс” хэмээн хотын мээрт анхаарууллаа.

Ж.Сувд