2017 оны 3 дугаар сарын 20-ноос 3 дугаар сарын 27-ныг хүртэлх 7 хоногийн цаг агаарын урьдчилсан мэдээг танилцуулж байна. Ингэхдээ 21-23-нд баруун болон говийн нутгаар хур тунадас, цас ихээхэн орно хэмээн ЦУОШГ-аас мэдээллээ.
Баруун аймгуудын нутгаар: 21-22-нд ихэнх нутгаар, 23-нд нутгийн зүүн хэсгээр хур тунадас цас ахиу орж цасан шуурга шуурна. Салхи 20-23-нд Алтайн уулархаг нутгаар 12-14м/с хүрч ширүүснэ. 21-нд нутгийн баруун хэсгээр, 22-25-нд ихэнх нутгаар хүйтэрч Идэр, Тэс, Хүрэн бэлчирийн хөндийгөөр шөнөдөө 25-30 градус өдөртөө 9-14 градус, Монгол Алтайн өврөөр шөнөдөө 19-24 градус өдөртөө 3-8 градус, Алтайн өвөр говиор шөнөдөө 6-11 градус хүйтэн өдөртөө 2-7 градус дулаан, бусад нутгаар шөнөдөө 11-16 градус хүйтэн өдөртөө 3 градус хүйтнээс 2 градус дулаан байна. 25-нд нутгийн баруун хагаст, 26-нд ихэнх нутгаар дулаарна.
Төвийн аймгуудын нутгаар: 20-нд нутгийн хойд хэсгээр, 21-нд нутгийн баруун хэсгээр, 22-23-нд ихэнх нутгаар хур тунадас орж цасан шуурга шуурна. 24-нд цас бударч явган шуурна. Салхи 21-23-нд нутгийн өмнөд хэсгээр 9-12м/с хүрч ширүүснэ. 23-24-нд бага зэрэг хүйтэрнэ. Бусад хугацаанд Дархадын хотгор, Ерөө голын хөндийгөөр шөнөдөө 18-23 градус өдөртөө 4-9 градус, Орхон-Сэлэнгэ, Хараа, Туул, Тэрэлж голын хөндийгөөр шөнөдөө 12-17 градус өдөртөө 2 градус хүйтнээс 3 градус дулаан, бусад нутгаар шөнөдөө 7-12 градус хүйтэн өдөртөө 3-8 градус дулаан байна.
Зүүн аймгуудын нутгаар: 21, 25-нд нутгийн зүүн хэсгээр, 24-нд зарим газраар хур тунадас орж явган шуурга шуурна. Салхи 24-25нд зарим газраар 9-12м/с хүрнэ. 23-25-нд бага зэрэг хүйтэрнэ. Бусад хугацаанд Хэрлэн, Онон, Улз, Халх голын хөндийгөөр шөнөдөө 17-22 градус өдөртөө 0-5 градус, бусад нутгаар шөнөдөө 11-16 градус хүйтэн өдөртөө 1-6 градус дулаан байна.
Говийн аймгуудын нутгаар: 21-нд нутгийн баруун хэсгээр, 22-23нд ихэнх нутгаар, 24-нд нутгийн зүүн хэсгээр хур тунадас орж явган шуурга шуурна. Салхи 22-23нд зарим газраар 9-12м/с хүрч ширүүснэ. 22-24-нд хүйтэрч ихэнх нутгаар шөнөдөө 10-15 градус хүйтэн өдөртөө 2 градус хүйтнээс 3 градус дулаан байна. Бусад хугацаанд Өмнөговийн нутгаар шөнөдөө 3-8 градус хүйтэн өдөртөө 6-11 градус дулаан, бусад нутгаар шөнөдөө 6-11 градус хүйтэн өдөртөө 3-8 градус дулаан байна.
