Аравдугаар сарын 24-нөөс 31-нийг хүртэлх долоо хоногийн цаг агаарын урьдчилсан мэдээг ЦУОШГ-аас гаргажээ. Түүнд дурдсанаар хугацааны дунд үеэс цас орж, цасан шуурга шуурч хүйтэрнэ хэмээн мэдэгдсэн байна.
Баруун аймгуудын нутгаар: 24-нд нутгийн зүүн хэсгээр, 26-нд зарим газраар, 28-нд нутгийн хойд хэсгээр, 29-нд ихэнх нутгаар цас орно. Салхи нутгийн өмнөд хэсгээр 14-16м/с, 26, 29-30-нд зарим үед 18-20 м/с хүрч шороон болон цасан шуурга шуурна. Алтай, Хангайн уулархаг нутгаар шөнөдөө 20-25 градус, өдөртөө 8-13 градус хүйтэн, Алтайн өвөр говиор шөнөдөө 3-8 градус хүйтэн өдөртөө 3-8 градус дулаан, бусад нутгаар шөнөдөө 11-16 градус хүйтэн, өдөртөө 1-6 градус хүйтэн байна. 26-27-нд ихэнх нутгаар хүйтний эрч нэмэгдэнэ.
Төвийн аймгуудын нутгаар: 24,26-нд зарим газраар, 27,30-нд нутгийн зүүн хэсгээр, 28-нд нутгийн хойд хэсгээр, 29-нд ихэнх нутгаар цас орно. Салхи зарим газраар 12-14м/с, 24,26,30-нд нутгийн өмнөд хэсгээр зарим үед 18-20м/с хүрч шороон болон цасан шуурга шуурна. Дархадын хотгор, Хангай, Хөвсгөл, Хэнтийн уулархаг нутгаар шөнөдөө 15-20 градус өдөртөө 4-9 градус хүйтэн, бусад нутгаар шөнөдөө 10-15 градус өдөртөө 0-5 градус хүйтэн байна. 27,30-нд хүйтний эрч нэмэгдэж шөнөдөө 14-19 градус өдөртөө 3-8 градус хүйтэн байна.
Зүүн аймгуудын нутгаар: 24-25,28-нд нутгийн хойд хэсгээр, 27,29-30нд зарим газраар цас орно. Салхи зарим газраар 12-14м/с, 25,27,30-нд зарим үед 18-20м/с хүрч шороон болон цасан шуурга шуурна. 24-26-нд нутгийн хойд хэсгээр шөнөдөө 12-17 градус өдөртөө 2-7 градус хүйтэн, бусад нутгаар шөнөдөө 7-12 градус хүйтэн, өдөртөө 3 градус хүйтнээс 2 градус дулаан байна. Цаашдаа хүйтэрч нутгийн хойд хэсгээр шөнөдөө 15-20 градус өдөртөө 5-10 градус хүйтэн, бусад нутгаар шөнөдөө 9-14 градус, өдөртөө 1-6 градус хүйтэн байна.
Говийн аймгуудын нутгаар: 24-нд нутгийн хойд хэсгээр, 27,30-нд зарим газраар хур тунадас цас орно. Салхи зарим газраар 14-16м/с, 26-27,30-нд зарим үед 18-20м/с хүрч шороон ба цасан шуурга шуурна. Нутгийн хойд хэсгээр шөнөдөө 9-14 градус хүйтэн өдөртөө 3 градус хүйтнээс 2 градус дулаан, бусад нутгаар шөнөдөө 3-8 градус хүйтэн, өдөртөө 5-10 градус дулаан байна. 27-ноос нутгийн хойд хэсгээр хүйтэрнэ.
