Өнөөдөр Улаанбаатар хотод 24 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 241 дахь өдөр бөгөөд он дуусахад 124 хоног үлдлээ.
- Цаг агаар өдөртөө 25 хэмийн дулаан бол шөнөдөө 10 хэм дулаан байх нь ээ.
- Билгийн тооллын 13, Яруу эгшигт одтой, шарагчин хонь өдөр. Өдрийн наран 6 цаг 6 минутад мандан, 19 цаг 41 минутад жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал жаргал ирнэ.
- Манай улсын голлох валют арилжааны төвд ам.долларын авах ханш 3385.00 төгрөг, зарах нь 3394.00 төгрөг байна. Харин рублийн авах ханш 37.50, зарах ханш 37.90, юанийн авах ханш 477.00, зарах ханш 478.00, вонийн авах ханш 2.55, зарах ханш 2.57 төгрөг байна.
Өнөөдөр болох онцлох үйл явдлууд:
- 10.30 цагт: тэргүүлэх зэрэгтэй С.Гандэлгэр багш боловсролын гажуудал сэдвээр сэтгүүлчидтэй өглөөний уулзалт хийнэ.
- 16.00 цагт: Монгол, Герман хоёр улсын дипломат харилцаа тогтоосны 50 жилийн ойд зориулж ХБНГУ-ын Эссен хотын Руурланд дахь RKB уран бүтээлчдийн холбоо, Монголын Урчуудын Эвлэлийн гишүүн уран бүтээлчид соёлын солилцооны хүрээнд "THIS IS NOW" үзэсгэлэнг дэлгэнэ.
Энэ өдөр дэлхийн түүхэнд:
- 1966 оны энэ өдөр Beatles хамтлаг хамгийн сүүлийн тоглолтоо хийж, фэнүүдтэйгээ уулзаж байжээ
- 1969 оны энэ өдөр Канадын хоккейн тоглогч Pierre Turgeon мэндэлжээ
- 1970 оны энэ өдөр Германы дуучин Melina Aslanidou мэндэлжээ.
- 2016 оны энэ өдөр АНУ-ын мэргэжлийн бөх Mr. Fuji таалал төгссөн.
- 2017 оны энэ өдөр Францын жүжигчин, загвар өмсөгч Mireille Darc таалал төгсжээ.
