Өнөөдөр Улаанбаатар хотод 24 хэм дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Наймдугаар сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 233 дахь өдөр бөгөөд он дуусахад 132 хоног үлдлээ.
- Цаг агаар өдөртөө 24 хэм дулаан, шөнөдөө 12 хэм дулаан.
- Билгийн тооллын 17, Буд гараг. Шувуун хошуут одтой, улаагчин могой өдөр. Өдрийн наран мандах, жаргах цаг нь 5:56-19:55. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- “Найман шарга” валют арилжааны төвд ам.долларын авах ханш 3387.00 төгрөг, зарах нь 3393.00 төгрөг байна. Харин рублийн авах ханш 38.70, зарах ханш 39.10, юанийн авах ханш 480.00, зарах ханш 483.00, вонийн авах ханш 2.46, зарах ханш 2.47 төгрөг байна.
Өнөөдөр болох онцлох үйл явдлууд:
- 08.30 цагт Youth LEAD Монгол ТББ-аас ЛГБТ иргэдийн эрүүл мэнд, хүний эрхийн талаар “Тэгш эрх”-ийн өдрүүд зохион байгуулах талаар өөрийн байрандаа мэдээлэл хийнэ.
- 09.00 цагт МҮХАҮТ-д Монгол-Словений бизнес форум нээлтээ хийнэ
- 09.00-17.00 цагт НЗДТГ-аас Монголын Хуульчдын холбоотой хамтран иргэдэд хууль, эрх зүйн үнэ төлбөргүй зөвлөгөө өгнө. 75050801, 75050802, 75050803, 75050804
Энэ өдөр дэлхийн түүхэнд:
- 1331 он - Унгарын хаан III Стефан Урос хэдэн сар үргэлжилсэн хаан ширээний төлөөх тэмцэлдээний дүнд хаан суудлаа авч үлдэв.
- 1770 он - Их Британийн аялагч Жэймс Күүк Австралийн зүүн хэсгийг нээн илрүүлж, Их Британийн газар нутаг хэмээн зарласан бөгөөд Шинэ Өмнөд Уэльс гэж нэрийджээ.
- 1810 он - Францын маршал Жан Баптист-Бернадот Шведийн угсаа залгамжлах хунтайжаар сонгогдов.
- 1888 он - Дэлхийн түүхэнд хамгийн анхны кассын машиныг зохион бүтээгч Уиллиам Сьюуорд Борроус албан ёсоор патентжуулав.
- 1901 он - Үндэстний худалдааны зөвлөлүүдийн олон улсын нарийн бичгийн дарга нарын газар Копенхаген хотноо байгуулагдав.
- 1911 он - Луврын музейн ажилтан Леонардо да Винчийн сод бүтээл болох Мона Лизаг хулгайлжээ.
- 1914 он - Дэлхийн нэгдүгээр дайн: Германы цэргийн хүч Самбре мөрнийг өгсөн ялалт байгуулав.
- 1942 он - Дэлхийн хоёрдугаар дайн: Тенаругийн тулаанаар АНУ-ын арми Японы империалист армийг бут цохив.
- 1957 он - ЗХУ холын тусгал бүхий R-7 Семёрка пуужинг амжилттай туршив. Энэ нь дэлхийн түүхэн дэх тив алгасагч анхны пуужин юм.
