“Энэ хайр байж”, “Хайрлах хүсэл”, “Мөсөн хайр”, “Өнчин” зэрэг уран бүтээлээр охид, залуусыг байлдан дагуулж, Ub palace-ийн задгай талбайг дүүргэж байсан хайрын дууны эзэд болох Munkhiin rap, Flash, Outlaw, No name хамтлагийн хамтарсан тоглолт наймдугаар сарын 9-нд Хит паркад болно.
Тоглолтын Ерөнхий найруулагчаар 333 энтэртайнментийн Ерөнхий найруулагч Д.Мөнх-Оргил, тайзны найруулагчаар Б.Батцэрэн /Баажаа/ нар ажиллаж байна. Тоглолтын зохион байгуулалтад нийт 500 орчим хүн ажиллаж буй.
Мөнхийн реп, flash, Outlaw, No name хамтлагууд өөрсдийн бүх хит дуугаа буюу нийт 76 дуу дуулна. All in hit тоглолтын утга учир нь 2005-2015 оны бүх ХИТ дуунууд нэг тайзан дээр эгшиглэнэ. Мөн дээрх хамтлагууд хамтарч тоглолт хийж буй нь анхных билээ. Үүнээс гадна зочин уран бүтээлчид оролцож, үе үеийн хит дуунуудаа толилуулах юм. Тодруулбал, D45 Ogino, Gala, Маралжингоо, Dijital, Mc collection зэрэг есөн уран бүтээлч зочноор оролцож юм.
Тоглолт 18 цагаас эхлэх бөгөөд хаалга 14 цагт нээгдэх бөгөөд тоглолт 5-6 цаг үргэлжилнэ.
Тоглолт Хит паркад болох ба ариун цэврийн байгууламж бүрэн шийдэгдсэн. Мөн үзэгчдийнхээ тав тухыг хангах зорилгоор хоол, ус ундаагаар үйлчлэх асрууд тоглолтын талбайд байрлаж ажиллана хэмээн зохион байгуулагчдын зүгээс мэдэгдлээ.
