Өнөөдөр гадаа 26 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 16-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 198 дахь өдөр бөгөөд он дуусахад 168 хоног үлдлээ.
- Цаг агаар өдөртөө 26 хэмийн дулаан бол шөнөдөө 12 градус дулаан байх нь ээ.
- Билгийн тооллын 4, Бага морь одтой, хөхөгчин гахай өдөр. Өдрийн наран мандах, жаргах цаг нь 5:04-20:51. Тухайн өдөр хонь, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, нялхсын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- Валют арилжааны төвд ам.долларын авах ханш 3388.00 төгрөг, зарах нь 3394.00 төгрөг байна. Харин рублийн авах ханш 38.20, зарах ханш 38.60, юанийн авах ханш 466.50, зарах ханш 469.00, вонийн авах ханш 2.42, зарах ханш 2.45 төгрөг байна.
Өнөөдөр болох онцлох үйл явдлууд:
- 09:00 цагт: “Чингис хаан”-ы музейд: Манай улсад ирээд буй Колумбын их сургуулийн профессор Жеффри Сакс залуучуудын төлөөлөлтэй уулзана.
- 11.40 цагт: Банк, санхүүгийн салбарын бэлгэдэл Бухын хөшөөний нээлт болно. Байршил: Цаг уур, орчны шинжилгээний газар болон Монголбанкны уулзварын урд 40, 41 дүгээр байрны дунд.
- Үндэсний Урлагийн Их Театрын уран бүтээлчдийн "Land of the Sky" үндэсний урлагийн хамгийн том тоглолт болно.
- Цагаан лавай чуулгын "NOMADIC LEGEND" ардын урлаг, өв соёлын тоглолт УБТЗ "Ган зам" паласын тайзнаа болно.
- Архангай аймгийн АРА комплекст “Хүннү хаан” энтертайнмент шоу тоглолт толилуулна.
Энэ өдөр дэлхийн түүхэнд:
- 1999 он – Бага Жон Кеннеди, түүний эхнэр Каролин Бессетт-Кеннеди болон түүний эгч Лорен Бессетт нар түүний жолоодож явсан онгоц Марта Винейард эргийн ойролцоо Атлантын далайд осолдож нас баржээ.
- 2004 он - Чикагогийн 21-р зууны эхэн үеийн архитектурын анхны бөгөөд хамгийн амбицтай төсөл гэж тооцогддог Мянганы цэцэрлэгт хүрээлэнг хотын дарга Ричард М.Дэйли олон нийтэд нээв.
- 2005 он – Экваторын Гвиней улсын Биоко Норте мужийн Бани хотын ойролцоо Антоновын Ан-24 онгоц осолдож, 60 хүн амь үрэгджээ.
- 2007 он - Японы Ниигата эргийн ойролцоо 6.8 ба 6.6 баллын хүчтэй газар хөдлөлт болж, найман хүн амиа алдаж, дор хаяж 800 хүн бэртэж, атомын цахилгаан станц эвдэрчээ.
- 2009 он – Малайз дахь улс төрчийн туслах Теох Бенг Хок Авлигатай тэмцэх хорооны оффисын зэргэлдээх барилгын дээвэр дээрээс нас барсан байдалтай олдсон нь улсын хэмжээнд олны анхаарлыг татсан мөрдөн байцаалтын ажиллагааг эхлүүлэв.
- 2013 он - Энэтхэгийн зүүн хэсэгт байрлах сургуульдаа үдийн хоол идсэнийхээ дараа 27 хүүхэд нас барж, 25 хүүхэд эмнэлэгт хүргэгджээ.
- 2013 он – Сирийн иргэний дайн: Ардын хамгаалалтын анги (YPG) болон исламист хүчний хооронд Рас ал-Айны тулаан дахин үргэлжилж, Рожава-Исламын мөргөлдөөн эхэлжээ.
- 2015 он - АНУ-ын дөрвөн тэнгисийн явган цэрэг, нэг зэвсэгт этгээд Теннесси мужийн Чаттануга хотод цэргийн байгууламж руу буудаж амиа алджээ.
- 2019 он – Энэтхэгийн Мумбай хотод 100 жилийн настай барилга нурж, дор хаяж 10 хүн амиа алдаж, олон хүн дарагдсан байна.
