Өнөөдөр гадаа 24 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар дугаар сарын 3-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 154 дахь өдөр бөгөөд он дуусахад 211 хоног үлдлээ.
- Цаг агаар өдөртөө 24 хэмийн дулаан бол шөнөдөө 6 хэм дулаан байх нь ээ. Өдөртөө бага зэргийн бороо орох гэнэ.
- Билгийн тооллын 27, сумъяа гараг. Шийдэм одтой, шар нохой өдөр. Өдрийн наран мандах, жаргах цаг нь 4:56-20:45. Тухайн өдөр бар, морь жилтнээ аливаа үйлийг хийхэд эерэг сайн. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хишиг даллага дуудуулах, насан бүтээл хийлгэх, хүүхэд үрчлэн авах, андгай тангараг, гэрээ, хэлцлээ буцаахад сайн. Нүүдэл суудал хийх, хэрүүл тэмцэл хийх, эрдэнийг гадагш өгөх, хүүхэд хөлд оруулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал өлзийтэй сайн.
- Манай улсын голлох валют болох ам.долларын ханш авах нь 3397.00, зарах нь 3402.00 төгрөгтэй тэнцэж байгаа бол бусад валют болох рубль авах нь 38.20, зарах нь 38.80 харин юань авах нь 468.00, зарах нь 468.50 вон авах нь 2.50, зарах нь 2.52 төгрөг байна.
Өнөөдөр болох онцлох үйл явдлууд:
- 10:00 цагт: УИХ дахь намуудын бүлгийн хуралдаан болно
- 12:00-14:00 цагт: УИХ-ын Ажлын хэсгийн, байнгын болон түр хороо хуралдана.
- 15:30 цагт: Ашигт малтмалын лицензтэй холбоотой Хянан шалгах түр хорооны тайлан, санал дүгнэлтийн хурал болно.
- 11:00 цагт: Захиргааны хэргийн шүүхэд сонгуулийн материал нуун дарагдуулж, нэр дэвших эрхэнд халдсан талаар ИЗНН-ыг өгч буй талаар мэдээлнэ. Утас: 9974-8016, 8882-4051.
Энэ өдөр дэлхийн түүхэнд:
- 350 - Константинийн удмын харгис ямбатан Непатианус өөрийгөө Ромын эзэн хаан хэмээн тунхаглаж хэсэг гладиаторуудын хамт Ромд нэвтрэв.
- 1140 - Францын санваартан Петер Абеларыг христийн шашнаас тэрсэлсэн гэж үзэн яллажээ.
- 1326 - Новгородын хэлэлцээрээр Орос, Норвеги улс хилийн зурвасаа тогтоов.
- 1539 - Испанийн нэрт аялагч Эрнандо де Сото Флоридад хүрчээ.
- 1608 - Францын аялагч Самуэл де Шамлейн "Шинэ Франц" руу хийсэн гурав дахь аяллынхаа үеэр одоогийн Квебек хотод хүрч, улмаар бэхлэлт босгож эхлэв.
- 1621 - Голландын дорно Энэтхэгийн пүүс Шинэ Нидерландын гэрээнд нэгджээ.
- 1665 - Йоркын гүн Жеймс Стюарт (хожмын хаан II Жеймс) Ловсофтын эрэгт Голландын тэнгисийн цэргийг буулган авав.
- 1839 - Хятадын Хумэн мужид генерал Лин Жешү Британийн худалдаачдаас хураан авсан 1.2 сая килограмм хар тамхийг устгаж, Их Британид байлдааны ажиллагаа эхлүүлэхээр төлөвлөж эхлэв. Үүний үр дүнд Тамхины нэгдүгээр дайн дэгдсэн юм.
- 1861 - Америкийн иргэний дайн: Виржиниа (одоогийн Баруун Виржиниа) мужийн Барбор тойрогт Холбоотны цэргүүд хүчээ төвлөрүүлж эхлэв. Улмаар Филиппигийн тулаан дэгдсэн түүхтэй.
- 1864 - Америкийн иргэний дайн: Холбоотны арми Виржиниа мужийн Хановер тойрогт байрлаж байсан Эх газрын цэргүүд рүү довтлов.
- 1889 - АНУ-д анх удаагаа хол зайд эрчим хүч дамжуулав. Орегон мужийн Портлэнд хотод байршуулсан генератороор 23 км зайд эрчим хүч дамжуулжээ.
