Монгол Улсын Ерөнхийлөгч, Зэвсэгт хүчний ерөнхий командлагчийн нэрэмжит Төрийн цэргийн болон хууль сахиулах байгууллагуудын дунд зохион байгуулагдах “МАРШ-ТУСГАЙ БЭЛТГЭЛИЙН АВАРГА САЛАА, ТАСАГ” шалгаруулах тэмцээний нээлтийн үйл ажиллагаа Зэвсэгт хүчний сургалтын нэгдсэн төвд боллоо.
Тус тэмцээн “Байнгын бүрэлдэхүүний салаа”, “ХЦАХ-дын салаа”, “Эмэгтэй салаа”, “Шилдэг бүлэг” шалгаруулах юм. Тэмцээн зургадугаар сарын 2-5-ны өдрүүдэд явагдана.
Энэ үеэр тэмцээний бамбарын галыг Дэлхийн аваргын мөнгө, хүрэл медальт, "Хилчин спорт хороо"-ны тамирчин, Монгол Улсын Гавьяат тамирчин, дэслэгч М.Лхагвагэрэл болон Монгол Улсын Гавьяат тамирчин, ахлах дэслэгч М.Анхцэцэг нар асаасан байна. Хил хамгаалах байгууллагыг төлөөлөн оролцож буй баг, тамирчдадаа амжилт хүсье.
