Өнөөдөр гадаа 21 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй. Зургадугаар сарын 28-ны өдөр Өглөөд заавал мэдэж байх ёстой зүйлүүд:
1. Өнөөдөр жилийн 179 дахь өдөр юм. Мөн он дуустал 186 өдөр үлдэж байна.
2. Цаг агаар өдөртөө 21 хэмийн дулаан бол шөнөдөө 8 хэм дулаан байх нь ээ.
3. Билгийн тооллын 10. Эм найруулан, шинжлэхүй, абшиг хүртэх, бэрийн үйл, дайсныг номхотгох, үс угаахад сайн. Түүнд төрсөн хүмүүн есөн хоног ба найман сар, найман жилд эс үхвэл баатарлаг зоригтой, цэвэр цэмцгэр, дайсныг номхотгогч, үргэлжид ширүүн өгүүлэгч, хилэнцэд баясгалантай, насны доод хэмжээ жаран дөрөв гэж номлосон. Замд гарвал эдийг олох, тахигдан хүндлэгдмүй. Хулгайд алдвал цайвар шар үстэй, ахархан хоншоорт тэрбээр аваачсан хэл,ам үл гаргавал олдох нигууртай. Баруун нүд татвал хувцас олох бөгөөд зүүн нүд татвал хэрүүл тэмцэл болюу. Баруун чих хангинавал олноо хүндлэгдэх. Нохой улих хийгээд хэрээ дуугарахын үрийг үл номлосон болой. Тагнай эрвэгнэвэл үзэсгэлэнтэй болой. Бүх бие таталзвал аюул болохын нигууртай. Шилбэний мах татвал дам үг дуулдана.
4. Манай улсын голлох валют болох ам.долларын ханш авах нь 3432.00, зарах нь 3435.00 төгрөгтэй тэнцэж байгаа бол бусад валют болох рубль авах нь 39.90, зарах нь 40.80, харин юань авах нь 479.00, зарах нь 480.50, вон авах нь 2.62, зарах нь 2.64 төгрөг байна.
Өнөөдөр болох онцлох үйл явдлууд:
1. 08.30 цагт: МУИС-ийн I байранд: Монгол-Солонгосын эрх зүйн хүрээлэнгээс “ЗҮҮН ХОЙД АЗИ ДАХЬ ҮНДСЭН ХУУЛИЙН ШҮҮХ: СОЛОНГОС БА МОНГОЛ” олон улсын бага хурлыг зохион байгуулж байна Утас: 9710-1077
2. 09.00 цагт: “Шангри-Ла” зочид буудалд: Дэлхийн экспортыг дэмжих чуулга уулзалт “Эмэгтэй бизнес эрхлэгчдийг олон улсын худалдааны сүлжээнд холбох нь” сэдвээр 3 дахь өдрөө үргэлжилнэ.
3. 10.00 цагт: УИХ-ын ажлын хэсэг, байнгын хороо хуралдана.
4. 11.00 цагт: Д.Сүхбаатарын талбайд: “Олон Улсын жижиг, дунд үйлдвэрийн өдөр-2023” үзэсгэлэн худалдаа өнөөдөр ХОРШООЛОГЧДЫН ӨДРӨӨР 3 дахь өдрөө үргэлжилнэ.
“ЗМ” сонины мэдээллийн төвд:
5. 11.00 цагт: Учир битүүлгээр амиа алдсан эмч Г.Ганжаргалын ар гэрийнхэн ХЗДХ-ийн сайд Х.Нямбаатарт хандаж цагдаа, прокурор, Шүүх шинжилгээний алба хаагчид тангарагтаа үнэнч байж, хуулийн хүрээнд шударга ажиллаж талийгаачийн үхлийн шалтгааныг тогтоон өгөхийг шаардан мэдээлэл хийнэ.
6. 11.30 цагт: Хуульч өмгөөлөгчид, Иргэний нийгмийн байгууллагууд, Сэтгүүлчид нэгдэн нийтийн эрхийг зөрчиж буй фактууд дээр ажиллаж эхэлж байгаа талаар мэдээлэл хийнэ.
7. 12.00 цагт: Монгол Улсад Дэлхийн цөмийн энергийн комисс хуралдаж байгаатай холбогдуулж иргэдийн төлөөлөл мэдээлэл хийнэ.
Хэвлэлийн хүрээлэнгийн мэдээллийн төвд:
8. 12.00 цагт: Үзэл бодлоо илэрхийлэх хуульчдын нэгдсэн сүлжээ байгуулах ёслолын үйл ажиллагаа болно.
9. 13.00 цагт: Тэтгэврийн нэмэгдэл, тэтгэврийн зөрүүг арилгах чиглэлээр авсан арга хэмжээ, Нийгмийн даатгалын багц хуулийн тухай Монголын Ахмадын холбоо, ахмадын төлөөлөл хэвлэлийн бага хурал хийнэ.
Өнөөдөр дэлхийн түүхэнд:
- Украины Үндсэн хуулийн өдөр
- Мэргэжлийн боксын Эвандер Холифилд, Майк Тайсон хоёр нударгалдаж, Тайсон Холифилдын чихийг тас хасаж байжээ.
- 1948 оны энэ өдөр Зөвлөлт, Оросын кино найруулагч Сергей Бодров мэндэлжээ
