Өнөөдөр гадаа 3 хэм дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Дөрөвдүгээр сарын 20-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 110 дахь өдөр бөгөөд он дуусахад 255 хоног үлдлээ.
- Цаг агаар өдөртөө 3 хэмийн дулаан бол шөнөдөө 7 хэм хүйтэн байх нь ээ.
- Билгийн тооллын 30, Шийдэм одтой, шар бич өдөр. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсыг асран өглөг, хандив өргөх, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Тариалангийн хур (16ц 14м) Үс шинээр үргээлгэх буюу засуулахад тохиромжгүй
- Манай улсын голлох валют болох ам.долларын ханш авах нь 3490.00, зарах нь 3494.00 төгрөгтэй тэнцэж байгаа бол бусад валют болох рубль авах нь 42.60, зарах нь 42.90, юань 510.00, зарах нь 511.70, вон авах нь 2.66, зарах нь 2.68 төгрөг байна.
Өнөөдөр болох онцлох үйл явдлууд:
- 08.30 цагт “Блью Скай” зочид буудалд: Улс төрийн намын тухай хуулийн шинэчлэл өөрчлөлтийг хэлэлцэх "Намуудын амлалт ба Эрх зүйн шинэчлэл" сэдэвт өглөөний уулзалт болно. Утас: 9907-4459.
- 09.00-17.30 цагт Яармаг дахь нийслэлийн Захиргааны байранд: “Шинэ сэргэлт-Улаанбаатар эдийн засаг, хамтын ажллагаа-2023” олон улсын хөрөнгө оруулалт, түншлэлийн чуулган болно. Энэ үеэр “үеэр “City of Nomads” платформыг нээнэ.
- 09.00 цагт Монгол Улсын Ерөнхийлөгчийн ивээл дор зохион байгуулж буй “Монголчуудын соёлын өв: Гар бичмэл ба архивын баримтын цуглуулга” сэдэвт олон улсын эрдэм шинжилгээний хурал үргэлжилнэ..
- 09.30 цагт АН-ын удирдлага С.Эрдэнэ, Л.Гантөмөр болон намын нийт бүрэлдэхүүн төр, нийгмийн нэрт зүтгэлтэн С.Зориг агсны хөшөөнд цэцэг өргөж хүндэтгэл үзүүлэх ёслолын ажиллагаа болно. Мөн 11.30 цагт "Шонхор тауэрт" Ардчилсан намын удирдлагууд хамтын ажиллагаа, ойлголцлын уулзалт, мэдэгдэл хийнэ.
- 09.00 цагт Д.Сүхбаатарын талбайд: Монголын Боловсрол шинжлэх ухааны ҮЭХ-ноос боловсролын салбарын ажилтнуудын цалин хөлсийг Хамтын хэлэлцээрт заасны дагуу 30-50 хувь нэмэгдүүлэх талаар зохион байгуулж буй цуглаан үргэлжилнэ. Утас: 9502-2859, 9914-9240.
- 10.00 цагт УИХ-ын чуулганы нэгдсэн хуралдаан болно.
- 10.00 цагт “Туушин” зочид буудалд: "Уур амьсгалын эрсдэлтэй нөхцөлд амьдрахуй: Өвлийн эрс тэс үзэгдлийн нөлөөлөл, хөдөөгийн айл өрхүүдийн дасан зохицох чадавхын талаарх шинжлэх ухаан суурилсан үр дүн" сэдэвт хурал болно.
- 11.00 цагт Б.Явуухулангийн нэрэмжит цэцэрлэгт хүрээлэнд: “Монголын Тогтвортой Хөгжлийн гүүр” ТББ-аас Европын холбооны төслийн дэмжлэгээр БОАЖЯ, Чингэлтэй дүүргийн тамгын газартай хамтран “Хогны хувьсгал-2023” олон нийтэд зориулсан экспо зохион байгуулна.
- 11.30 цагт С.Зориг агсны нэрэмжит шатрын нээлттэй тэмцээний талаар Монголын Шатрын холбоо, МоАХ-ноос мэдээлнэ.
Энэ өдөр дэлхийн түүхэнд:
- 1689 - Суудлаасаа буусан Английн хаан II Жеймс Дерри хотод бүслүүлэв.
- 1770 - Гүрж, Оросын хамтарсан цэргийн хүч Оттоманы цэргийн хүчийг Аспиндзагийн тулаанд буулган авчээ.
- 1775 - Америкийн хувьсгал: Бостоны бүслэлт эхэлжээ.
- 1789 - АНУ-ын Ерөнхийлөгч Жорж Вашингтон Филаделфи хотын Грейс Ферри хотод тангараг өргөв.
- 1792 - Францы улс Унгар болон Бохемын хаант улсад дайн зарлав. Төд удалгүй Францын хувьсгалын дайн дэгдсэн билээ.
- 1800 - Йонын аралд орших орос болон осман үндэстнүүдтэй Септинсуларын бүгд найрамдах улс байгуулагдав.
- 1809 - Абенсбергийн тулаанд оролцсон Австрийн хоёр арми Францын армид ялагдав.
- 1810 - Каракасын амбан захирагч Испаниас тусгаар тогтнож байгаагаа зарлажээ.
- 1826 - Британийн аялагч хошууч Гордон Лейнг одоогийн Нигерийн нутагт нэвтэрсэн анхны европ хүн болжээ.
- 1836 - АНУ-ын конгресс Уисконсин мужийн нутаг дэвсгэрийг соёрхон батлав.
