Өнөөдөр гадаа 0 градус байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Гуравдугаар сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 60 дахь өдөр бөгөөд он дуусахад 305 хоног үлдлээ.
- Цаг агаар өдөртөө -18 градусын хүйтэн бол шөнөдөө -17 градус хүйтэн байх нь ээ.
- Билгийн тооллын 11, Буд гараг. Гөрөөсөн толгой одтой, цагаан бар өдөр. Өдрийн наран 8 цаг 20 минутад мандан, 17 цаг 51 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, бомбын үйл, бэрийн үйлд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эрхтэн хурц болно.
- Манай улсын голлох валют болох ам.долларын авах ханш 3527.00 төгрөг, зарах нь 3532.00 төгрөг байна. Харин рублийн авах ханш 44.90, зарах ханш 45.90, юанийн авах ханш 507.00, зарах ханш 510.00, вонийн авах ханш 2.70, зарах ханш 2.73 төгрөг байна.
Өнөөдөр болох онцлох үйл явдлууд:
- 09.00 цагт Засгийн газрын хуралдаантай
- 09.00 цагт Багшийн хөгжлийн ордонд: “Тогтвортой хөгжлийн боловсрол-II” төслийн үндэсний зохицуулагч, мэргэжилтнүүд “Ирээдүйн төлөөх боловсрол” сэдвээр Тогтвортой хөгжлийн боловсрол олгож буй Европын орнуудын туршлагаас танилцуулна.
- 11.00 цагт Ардчилсан намын зүгээс Улсын Дээд шүүхийн нэр бүхий 12 шүүгчийг шалгуулахаар АТГ-ын үүдэнд мэдээлэл хийнэ.
-
11.00 цагт УИХ-ын гишүүн Т.Доржханд Хөгжлийн банкны хэргээр яллагдагчаар татагдсан албан тушаалтнуудад холбогдох хэргийг шүүхийн шатанд хаалттай хэлэлцэж, ял завшихаас сэргийлэх талаар мэдээлнэ. Утас:8800-2705.
-
12.00 цагт нийслэлийн “Хангарди” ордонд 2023 онд төр, хувийн хэвшлийн хамтын ажиллагааны хүрээнд ногоон байгууламжийн чиглэлээр хийх ажлын талаар нийслэлээс ААН-үүдэд танилцуулна. Утас 9916-0069.
-
11.40 цагт Чингис хаан музейд Монгол чулууны цуврал маркны нээлт болно.
14.00 цагт Г.Занабазарын нэрэмжит дүрслэх урлагийн музейд: Монголын түүх, өв соёлыг түгээх, таниулах зорилгоор эрхлэн гаргаж буй “Соёлын Өртөө” сэтгүүлийн нээлт болно. Утас: 8818-1875.
Энэ өдөр дэлхийн түүхэнд:
- Өнөөдөр Ялгаварлан гадуурхалыг тэглэх олон улсын өдөр тохиож байна.
- 1994 оны энэ өдөр Канадын дуучин Жастин Бибер мэндэлжээ.
- 2006 онд хүн болгон мэдээлэл нэмэх боломжтой "Википедиа" цахим тольд англи хэл дээрх нэг сая дахь нийтлэл "Жорданхиллийн төмөр замын буудал" нэрээр оржээ.
- 2002 онд хүрээлэн буй орчныг судлах зорилго бүхий "Энвисат" хиймэл дагуулыг хөөргөж, Дэлхийн 11 дэх хиймэл дагуул болжээ. Мөн түүнчлэн сансарт хөөргөсөн хамгийн хүнд хиймэл дагуул болсон юм. Уг хиймэл дагуулын нийт жин 8,500 кг байсан гэдэг.
- 1998 онд найруулагч Жеймс Камероны найруулсан "Титаник" кино дэлхийн кино урлагийн зах зээлээс нэг тэрбум долларын босгыг давсан анхны кино болов.
- 1995 онд интернетийн хайлт, харилцаа холбооны Yahoo! компани байгуулагджээ.
- 1966 онд ЗХУ-ын "Венера 3" сансарын хөлөг Сугар гаригт осолдсоноор өөр гаригт осолдсон дэлхийн анхны хөлөг болсон байна.
