“Rolling Stone” сэтгүүлээс бүх цаг үеийн хамгийн агуу 100 гитарчныг шалгаруулжээ. Хөгжим судлаачид, сонсогчид, шүүмжлэгчдийн саналын дагуу хамгийн агуу гитарчдын жагсаалтыг Жимми Хендрикс тэргүүлсэн байна. “Хөгжмийн талаарх хүн төрөлхтний төсөөллийг орвонгоор нь эргүүлж чадсан хүн бол Жимми Хендрикс. Тэр гитарын хаан байв.
Студид ч, тайзан дээр ч тэр гитарынхаа аялгуугаар бүгдийг ховсдож чаддаг байсан” хэмээн “Rage Against The Machine” хамтлагийн гитарчин Том Морелло өгүүлжээ. Жагсаалтын хоёр дугаар байрт Эрик Клэп тон жагссан бол, түүний араас Жими Пейж, Кит Ричардс, Жефф Бек, Би Би Кинг, Чак Берри, Эдди Ван Хален, Дуэйн Оллмен, Пит Таунсенд нар удаалжээ.
