Навчраа овгийн урт согсоргоно нь ховор зүйлийн модсог-бутлаг хаг ургамал. Согсоргоно нь доош дүүжлэгдэн сагсайж ургадаг, 40-70 см урт, бараг мөчир салаагүй, цайвардуу ногоон бут юм. Хаг бие нь үзүүр хүртлээ жигдхэн урт үсэнцэртэй байдаг бөгөөд цармын ой, тайга, шилмүүст модны холтос, мөчир дээр ургадаг. Ойн түймэр, модыг замбараагүй огтолсноос ховордсон энэ ургамлыг Монголын “Улаан ном”- д бүртгэжээ. Согсоргоно ургадаг зарим нутаг улсын тусгай хамгаалалттай газар нутгийн сүлжээнд ордог юм байна.
