Монгол Улсын хэмжээнд их, дээд сургуульд элсэгчдийн сурах ерөнхий чадвар, мэдлэгийн түвшинг тогтоох зорилготой Элсэлтийн ерөнхий шалгалтын хуваарь батлагдлаа.
Энэ жилийн ЭЕШ 2020 оны 7 дугаар сарын 02-нд Монгол улсын түүх, Англи хэл хичээлийн, 03-нд Хими, Газарзүй, Нийгмийн тухай мэдлэг, 04-нд Биологи, Математик, 05-нд Орос хэл, Физик, Монгол хэл зэрэг хичээлийн шалгалтыг тус тус зохион байгуулахаар товложээ.
2020 онд короновируст халдвараас урьдчилан сэргийлэх зорилгоор УОК, ЭМЯ-аас өгч буй чиглэл, шаардлагын дагуу халдвар хамгааллын дэглэмийг сахиж, нэг анги танхимд 1.5-2 метрийн хоорондын зайтай байрлуулсан ширээнд сууж шалгалтаа өгөх бөгөөд 12-оос илүүгүй шалгуулагч хамрагдахаар тооцож, 85 шалгалтын байрыг бэлдэж байгааг албаныхан мэдээлсэн билээ.
