Өнөөдөр гадаа 1 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
2 дугаар сарын 26-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 57 дахь өдөр бөгөөд он дуусахад 308 хоног үлдлээ.
- Цаг агаар өдөртөө 1 хэмийн дулаан бол шөнөдөө -15 градус хүйтэн байх нь ээ.
- Билгийн тооллын 22, долоон улаан мэнгэтэй хөх морь өдөр. Өнөөдөр үсээ авахуулах буюу засуулбал идээ ундаа элбэг дэлбэг олдох гэнэ. Энэ өдөр бар, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2639.00 төгрөгтэй тэнцэж байгаа бол бусад валют болох рубль 40.70, юань 394.70, вон 2.36 төгрөг байна.
Өнөөдөр болох онцлох үйл явдлууд:
- Дэлхийн Оюутны Универсиадад оролцох Монгол Улсын баг тамирчдыг үдэн гаргах ёслол Спортын төв ордонд 11.30 цагаас болно.
- MN-Мэдээллийн төвд 11.00 цагаас ЖДҮХС-ын хулгайчидтай хариуцлага тооцохыг шаардсан бүх нийтийн жагсаалд нэгдэхээ илэрхийлж “Сошиал жагсаал” зохион байгуулагчид хэвлэлийн бага хурал зарлалаа.
- Шинэ бүтээн байгуулалт хөтөлбөрийн ажлын хэсэг 11.00 цагаас “Таван толгой түлш” улсын үйлдвэр /СХД/, мөн Налайх дүүрэгт байрлах “Хотын түлш”, “Ширээтийн хурд” зэрэг үйлдвэрүүдийн үйл ажиллагаатай танилцана.
- Үндэсний мэдээллийн төвд 11.30 цагаас "Эрдэнэс Тавантолгой" компанитай холбоотой авлигын хэргүүдийн талаар "Эв санааны нэгдэл" үйлдвэрчний эвлэлээс мэдээлэл хийнэ.
- Оюутан цэрэг хөтөлбөрийн бүртгэл энэ сарын 27-ны өдөр эхлэх гэж байгаатай холбоотойгоор НЗДТГ-ын Цэргийн штабаас 11.00 цагт Нийслэлийн Хэвлэл мэдээллийн төвд хэвлэлийн хурал хийнэ.
Энэ өдөр дэлхийн түүхэнд:
- 1983 оны энэ өдөр Португалийн алдарт хөлбөмбөгч Пепе мэндэлжээ.
- 1616 онд алдарт одон оронч Галилео Галилейн дэлхий нарыг тойрдог тухай үзлийг олон нийтэд заахыг Ромын католик сүмээс албан ёсоор хориглов.
- 1815 онд Наполеон Бонапарт Элба арлаас оргожээ.
- 1876 онд Япон-Солонгосын хооронд байгуулсан гэрээний дагуу Япончууд тус улсад тусгай эрх дархтай болсон бөгөөд Япончууд гурван боомт нээж, худалдааг хянахаар санаархаж эхлэв.
- 1909 онд дэлхийн хамгийн анхны бүрэн хэмжээний өнгөт кино Лондон хотын "Пелас" ордонд үзэгчдийн хүртээл болжээ.
- 1914 онд алдарт "Титаник" хөлгийн өмнө бүтээгдсэн том хэмжээний усан онгоц болох "Британник" хөлөг үйлдвэрээс гарчээ.
- 1919 онд АНУ-ын Ерөнхийлөгч Вүүдроу Уильсон "Их хавцлын үндэсний дархан газрыг байгуулах тогтоолд гарын үсэг зурав.
