Өнөөдөр гадаа -11 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 354 дахь өдөр бөгөөд он дуусахад 11 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 13, гурван хөх мэнгэтэй улаан нохой өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр бар, морь жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2647.00 төгрөгтэй тэнцэж байгаа бол бусад валют болох рубль 40.00, юань 384.00, вон 2.33 төгрөг байна.
Өнөөдөр болох онцлох үйл явдлууд:
- 11.00 цагт Монголын Залуучуудын Холбооны хурлын зааланд Монгол Улсын шилдэг оюутан шалгаруулах "Алма-Матер-2018" ёслол болно.
- 11.00 цагаас МҮХАҮТ-д мэргэжилтэй ажилтан бэлтгэх, тэднийг ААН-үүдэд дадлагажих боломжийг хангах, улмаар ажилд зуучлах, бизнес эрхлэгч, хувийн хэвшлийнхнийг тогтвортой мэргэжилтэнтэй болоход нь туслах зорилгоор “Нэг цэгийн үйлчилгээ” нээгдэнэ.
- Хариуцлагатайгаар олборлосон алтаа эх орондоо тушаая" сэдэвт шилдэг бүтээлийн уралдааны шилдэгүүдийг тодруулж, шагнал гардуулах ёслолын үйл ажиллагаа 11.00 цагт "Holiday Inn" зочид буудлын 19 давхарт болно.
- Монгол 3-р сургуулийн сурагчид шинэ оны баярыг угтан өөрсдийн санаачлагаар хандив цуглуулж сургуулийнхаа орон гэргүй 2 сурагчид Монгол гэр бэлэглэхээр болжээ. 11.30 цагаас Монгол 3-р сургуулийн гадаа талбайд арга хэмжээгээ зохион байгуулна.
- Хэвлэлийн хүрээлэн мэдээллийн төвд 11.00 цагаас хэвлэлийнхэн Зөрчлийн тухай хуульд яагаад нэмэлт, өөрчлөлт оруулах шаардлагатай гэж үзсэнээ тайлбарлаж, Зөвлөмжийг баталгаажуулна.
- 10.00 цагт "Төрийн үйлчилгээний цахим шилжилт” үйл ажиллагааны нээлт Нийслэлийн Үйлчилгээний нэгдсэн төв /Дүнжингарав салбар/-д болно.
- Бусдад чин сэтгэлээсээ туслахын ач холбогдлыг сурагчдад ойлгуулах, түүгээр дамжуулан сургуулийнхаа 3 сурагчийн гэр бүлд бодит туслалцаа үзүүлэх, амьдралд нь өнгө нэмэх зорилгоор III дунд сургуулийн сурагч, багш, эцэг эхчүүд “Амьдралд өнгө нэмье” зорилтот аян өрнүүлж, цугласан хандивыг 11.30 цагт гардуулан өгнө.
Энэ өдөр дэлхийн түүхэнд:
- Өнөөдөр Олон улсын хүний эв санааны нэгдлийн өдөр тохиож байна.
- 1995 онд НАТО Босни ба Херцеговинагийн Холбооны Улсад энхийг сахиулах үйл ажиллагаа явуулж эхэлжээ.
- 2007 онд II Элизабет хатан хаан Их Британийн хамгийн урт насалсан хатан хаан болжээ. Түүнээс өмнө Викториа хатан хаан 81 жил 7 сар 29 хоног амьдарснаараа хамгийн урт насалсан хатан хаан болж байжээ.
- 1999 онд Португал улс Макаог БНХАУ-д эргүүлэн өгчээ.
