Өнөөдрийн тухай таны мэдэх ёстой 15 зүйл: "Үндэсний чуулган 2018" болно

Өнөөдөр гадаа -24 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

12 дугаар сарын 06-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 340 дахь өдөр бөгөөд он дуусахад 25 хоног үлдлээ.
2. Цаг агаар өдөртөө -24 хэмийн хүйтэн бол шөнөдөө -31 градус хүйтэн байх нь ээ.
3. Билгийн тооллын 29, найман цагаан мэнгэтэй хар бич өдөр. Өнөөдөр үсээ авахуулах буюу засуулбал сүлд тэнэж одох гэнэ. Энэ өдөр хулгана жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2635.00 төгрөгтэй тэнцэж байгаа бол бусад валют болох рубль 40.50, юань 385.00, вон 2.33 төгрөг байна.

Өнөөдөр болох онцлох үйл явдлууд: 

1. Төрийн ордны "Их танхим"-д 09.30 цагаас Хүүхдийн асуудлаар үүрэг хүлээгчдийн салбар дундын улсын зөвлөгөөн болно.
2. Blue Sky зочид буудалд 09.00-18.00 цагийн хооронд "Үндэсний чуулган 2018" уур амьсгалын өөрчлөлт - Ойжуулалт, ой нөхөн сэргээлт сэдвийн дор зохион байгуулагдана.
   
3. Хөгжлийн бэрхшээлтэй иргэдийн эрхийг хамгаалах өдрийг тохиолдуулан Улаанбаатар чуулгын танхимд 13.00 цагт Нийслэлийн тусгай хэрэгцээт боловсрол олгох сургалтын байгууллагад суралцаж байгаа хүүхдүүдийн дунд зохион байгуулагдсан “БИД ТЭГШ ЭРХТЭЙ” гар зургийн уралдааны үзэсгэлэнг зохион байгуулна.
   
4. Ур чадварын олимп хэмээн олон улсад нэрлэж ирсэн 90 жилийн түүхтэй Дэлхийн ур чадварын тэмцээнд Монгол залуус гуравдах удаагаа оролцоно.
   
5. Санхүүгийн зохицуулах хорооноос мэргэжлийн холбоод болон төрийн бус байгууллагагуудтай хамтран ажиллах гэрээ байгуулах арга хэмжээ өөрийн байрны 211 тоот хурлын танхимд 11.00-12.00 цагийн хооронд болно.
   
6. Швейцарийн Женевт төвтэй “SGS” компани 17.00 цагт ISO 9001:2015 гэрчилгээг МҮХАҮТ-д гардуулна. 
   

Энэ өдөр дэлхийн түүхэнд: 

1. Өнөөдөр Испани улсад Үндсэн хуулийн өдөр тохиож байна.
2. 2006 онд НАСА Марс гариг дээр шингэн ус оршин байгааг харуулсан гэрэл зургийг дэлхий нийтэд дэлгэжээ.
3. 2015 онд Боливарын Бүгд Найрамдах Венесуэл Улсад улс төрийн сонгууль болжээ. Ингэхдээ 17 жилийн турш анх удаа Венесуэлийн Нэгдсэн Социалист нам ялагдал хүлээсэн байна.
4. 1998 онд Венесуэл улсын ерөнхийлөгчөөр Hugo Chбvez  сонгогдож байжээ.
5. 1947 онд Флорида дахь "Everglades"үндэсний парк нээлтээ хийж байжээ.