Өнөөдөр гадаа -22 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 339 дахь өдөр бөгөөд он дуусахад 26 хоног үлдлээ.
- Цаг агаар өдөртөө -22 хэмийн хүйтэн бол шөнөдөө -28 градус хүйтэн байх нь ээ. Өдөртөө ялимгүй цас орох гэнэ.
- Билгийн тооллын 28, есөн улаан мэнгэтэй цагаагчин хонь өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр гахай, туулай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2665.00 төгрөгтэй тэнцэж байгаа бол бусад валют болох рубль 41.00, юань 390.50, вон 2.36 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас Жижиглэн худалдаа эрхлэгчдийн холбооноос хэвлэлийн бага хурал зарлалаа.
- Шүүхийн захиргааны байгууллагын удирдах ажилтны зөвлөгөөн Шүүхийн ерөнхий зөвлөлийн байранд болно.
- МҮХАҮТ-ын 507 тоотод 09.30 цагаас "Хүнд суртлын индекс" судалгааны баг мэдээлэл хийнэ.
- Нийслэлд Архивын салбар үүсч хөгжсөний 60 жилийн түүхт ойг тохиолдуулан нийслэлийн Архивын газраас зохион байгуулж буй “Баярын хурал” 10.00 цагт Монголын хүүхдийн ордонд зохион байгуулагдана.
- Нийслэлийн ИТХ-ын ээлжит XX хуралдааны II хэлэлцүүлэг 10.00 цагаас эхэлнэ.
- Хууль сахиулах их сургуулийн "Эрдмийн танхим"-д 09.00-13.00 цагт "Жендэрээс үүдэлтэй хүчирхийлэлтэй тэмцэх нь: Хууль сахиулах байгууллагуудын хамтын ажиллагаа" онол практикийн бага хурал болно.
Энэ өдөр дэлхийн түүхэнд:
- Өнөөдөр бол олон улсын хөрс хамгаалах өдөр юм.
- 1909 оны энэ өдөр сүмогийн 33 дахь ёкозүна Мүсашияма Такэши мэндэлжээ.
- 1989 оны энэ өдөр Girls' Generation хамтлагын гишүүн Yuri (Kwon Yu-Ri) мэндэлжээ.
- 2013 онд Нелсон Мандела таалал төгсчээ. Тэрбээр Өмнөд Африкийн бүрэн төлөөллийн ардчилсан сонгуулиар сонгогдсон анхны ерөнхийлөгч бөгөөд 1994–1999 онд Ерөнхийлөгчийн албыг хашиж байжээ.
- 1977 онд Египет улс Сири, Ливи, Алжир, Ирак, Өмнөд Емэн улстай дипломат харилцаа тогтоожээ.
