Өнөөдөр гадаа -19 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 337 дахь өдөр бөгөөд он дуусахад 28 хоног үлдлээ.
- Цаг агаар өдөртөө -19 хэмийн хүйтэн бол шөнөдөө -25 градус хүйтэн байх нь ээ. Ялимгүй цас орох гэнэ.
- Билгийн тооллын 26, хоёр хар мэнгэтэй шарагчин могой өдөр. Өнөөдөр үсээ авахуулах буюу засуулбал жаргал үргэлжид ирэх гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2648.00 төгрөгтэй тэнцэж байгаа бол бусад валют болох рубль 41.00, юань 383.00, вон 2.35 төгрөг байна.
Өнөөдөр болох онцлох үйл явдлууд:
- 08.00 цагт Төрийн ордонд "Хөгжлийн бэрхшээлтэй хүний эрхийг хангахад Төр, Төрийн бус байгууллагын түншлэлийг бэхжүүлэх нь" үндэсний чуулган болно.
- Үндэсний мэдээллийн төвд 13.00 цагаас Тусгаар тогтнолоос үнэ цэнэтэй УИХ гэж байх уу сэдвээр буюу төрийн эрхийг хууль бусаар авсан УИХ-ыг тараах талаар Гал Үндэстэн, Их цааз их эргэлт зэрэг иргэний нийгмийн маш олон байгууллагууд нийлж мэдээлэл хийнэ.
- 11.30 цагт ХХААХҮЯ-ны гадаа талбайд орчин үеийн дэвшилтэт технологийн тоног төхөөрөмж суурилуулсан Мал эмнэлгийн ариутгал, халдваргүйжүүлэлтийн тусгай үйлчилгээний автомашиныг зарим аймгийн Хүнс, хөдөө аж ахуйн газарт хүлээлгэн өгөх ажиллагаа болно.
Энэ өдөр дэлхийн түүхэнд:
- Өнөөдөр Хөгжлийн бэрхшээлтэй хүмүүсийн эрхийг хамгаалах олон улсын өдөр тохиож байна.
- Мөн Куба улсад Эмч нарын баярын өдөр тохиож буй.
- 1985 оны энэ өдөр Америкийн нэрт жүжигчин Аманда Сейфрид мэндэлжээ.
- 1994 онд PS буюу Playstation компьютер тоглоом Японд худалдаалагдаж эхэлжээ.
- 1990 онд Мэри Робинсон Ирландын Ерөнхийлөгчийн тангараг өргөн, анхны эмэгтэй ерөнхийлөгч болсон байна.
- 1994 онд Тайванд анх удаагаа орон нутгийн сонгууль болж байжээ.
