Өнөөдөр гадаа -3 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 30-ы өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 334 дахь өдөр бөгөөд он дуусахад 31 хоног үлдлээ.
- Цаг агаар өдөртөө -3 хэмийн хүйтэн бол шөнөдөө -16 градус хүйтэн байх нь ээ.
- Билгийн тооллын 23, таван шар мэнгэтэй улаан бар өдөр. Өнөөдөр үсээ авахуулах буюу засуулбал эд эдлэл, идээ ундаа элбэг олдох гэнэ. Энэ өдөр морь, нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2638.00 төгрөгтэй тэнцэж байгаа бол бусад валют болох рубль 39.70, юань 381.00, вон 2.32 төгрөг байна.
Өнөөдөр болох онцлох үйл явдлууд:
- 08.20 цагт сар тал болно.
- “Дэлхийн хуримтлалын өдөр-2018” нэгдсэн арга хэмжээ, хуримтлалын аяны үр дүнг дүгнэх, аяны хүрээнд ХБНГУ-ын Шпаркассе банкнаас зохион байгуулсан онол, практик хослуулсан сургалтын сертификат гардуулах ёслолын ажиллагаа 10.00 цагт Монголбанкны 5 давхрын хурлын танхимд болно.
- “Дэлхий нийтээрээ ХДХВ, ДОХ-ын асуудалд олон нийтийн анхаарал хандуулах дэлхийн өдөр”-т зориулсан хэвлэлийн бага хурал 11.00 цагт Эрүүл мэндийн яамны хурлын танхимд болно.
- 10.00 цагаас Сэнтрал Тауэр, 17 давхарт Улаанбаатар хотын “Ногоон Хотын Хөгжлийн Төлөвлөгөө (НХХТ)” төслийн нээлтээр Улаанбаатар хотын захиргаа, гол оролцогч талууд Ногоон хотын хөтөлбөрийн аргачлал, НХҮАТ-ний арга зүй, боловсруулах үйл явцыг хэлэлцэнэ.
- Богд хааны ордон музейд 11.40 цагаас "Монголын сүүлчийн их хатан" үзэсгэлэнгийн нээлт болно.
- 09.30 цагаас Авлигатай тэмцэх газрын дэргэдэх Олон нийтийн зөвлөлөөс "М.Энхболдын дарангуйллыг зогсооё" сэдэвт хэвлэлийн хурал зохион байгуулна.
- 09.00 цагт ХБХХЕГ хөгжлийн бэрхшээлтэй хүмүүсийн эрхийг хамгаалах олон улсын өдрийг тохиолдуулан “Career Expo” хөгжлийн бэрхшээлтэй иргэдийн хөдөлмөр зуучлалын арга хэмжээг “Hollyday Inn” зочид буудлын 2 давхрын их танхимд зохион байгуулна.
- Сурагчдыг зам тээврийн осол гэмтэл, учирч болзошгүй эрсдэлээс урьдчилан сэргийлэх чиглэлээр цүнхний цацруулагчтай уут 440 ширхэгийг ерөнхий боловсролын 67-р сургуулийн бага ангийн сурагчдад тарааж өгөх үйл ажиллагаа 13.30 цагт болно.
Энэ өдөр дэлхийн түүхэнд:
- 1985 оны энэ өдөр Америкийн жүжигчин Кейли Куоко мэндэлжээ.
- Мөн 1984 оны энэ өдөр Нидерландын хөлбөмбөгчин Найжел Де Йонг мэндэлжээ.
- 1982 онд Майкл Жексоны хоёр дох соло албум болох "Thriller" цацагджээ. Тус цомог нь бүх цаг үеийн хамгийн их борлуулалттай цомгоор шалгарсан байна.
- 1995 онд Америк болон Иракийн дайн албан ёсоор дуусчээ.
- 1966 онд Барбарос Их Британиас салан тусгаарлажээ.
