Өнөөдөр гадаа -9 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 14-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 318 дахь өдөр бөгөөд он дуусахад 47 хоног үлдлээ.
- Цаг агаар өдөртөө -9 хэмийн хүйтэн бол шөнөдөө -16 градус хүйтэн байх нь ээ.
- Билгийн тооллын 7, гурван хөх мэнгэтэй цагаан нохой өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр бар жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2573.00 төгрөгтэй тэнцэж байгаа бол бусад валют болох рубль 38.40, юань 370.40, вон 2.27 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 11.00 цагаас Монголын нэгдсэн их хөдөлгөөн, “Гонгоржав Бошигт сан”, “МоАХ-ны анхдагчдын зохицуулах зөвлөл”-өөс цаг үеийн асуудлаар хэвлэлийн бага хурал зарлалаа.
- Монголын төрийн бус өмчийн сургуулиудын улсын Гуравдугаар чуулган 09.30-17.00 цагийн хооронд Holiday inn Ulaanbaatar Hotel& Conference Center-т болно./Тэнгис зочид буудлын баруун талд/ Хуралдаанаар "Төрийн бус өмчийн сургуулиудад тулгамдаж буй асуудлууд, шийдвэрлэх арга зам" тухай хэлэлцэнэ.
- Нийслэлийн ИТХ-ын Тэргүүлэгчид НЗДТГ-ын А зааланд 10.00 цагаас хуралдана.
- БСШУСЯ-ны харьяа "Инженер, технологийн дээд боловсрол" төслийн хүрээнд Япон Улсад магистр, докторт суралцсан судлаачид өөрсдийн хамгаалсан сэдвийг олон нийтэд таниулах, шинжлэх ухааны ололт амжилтын практик ач холбогдлыг нэмэгдүүлэх зорилгоор нээлттэй илтгэл хэлэлцүүлнэ.
- 09.30 цагаас эхлэх Үндсэн хуулийн цэцийн Дунд суудлын хуралдаанаар Сонгуулийн тухай хуулийн зарим заалт Үндсэн хууль зөрчсөн эсэх асуудлыг хянан хэлэлцэнэ.
- Хавдрын тусламж үйлчилгээ, оношилгоо эмчилгээний дэвшилтэт технологиудын талаар үндэсний хэмжээнд хэлэлцэх мэргэжлийн эмч, мэргэжилтэн, судлаачид, зөвлөхүүд оролцсон "Үндэсний чуулга уулзалт-2018" нь "Хавдрын хими эмчилгээний орчин үеийн чиг хандлага", "Хавдар судлалын тулгамдсан асуудал", "Монгол улсад умайн хүзүүний хорт хавдрын эрт илрүүлэг үзлэгийг сайжруулах арга зам" гэсэн үндсэн 3 сэдвийн хүрээнд зохион байгуулагдана.
- 11.00 цагт Хүний эрхийг хамгаалагчдын “Хүний эрх, хөгжлийг дэмжих нь” үндэсний 4-р зөвлөгөөний хэвлэлийн хурал болно.
Энэ өдөр дэлхийн түүхэнд:
- Өнөөдөр Чихрийн шижинтэй тэмцэх дэлхийн өдөр тохиож байгаа юм байна.
- 1989 оны энэ өдөр Америкийн хөлбөмбөгийн алдарт тамирчин T. Y. Hilton мэндэлжээ.
- 1971 онд НАСА-гийн сансрын хөлөг "Mariner 9" Марс гаригийн орбитод нэвтэрч оржээ.
- 2008 онд Вашингтонд G20 буюу Их 20-ийн уулзалт эхэлж байжээ.
