Өнөөдөр гадаа 5 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 316 дахь өдөр бөгөөд он дуусахад 49 хоног үлдлээ.
- Цаг агаар өдөртөө 5 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 5, таван шар мэнгэтэй шар бич өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр хулгана, луу жилтнээ аливаа үйлийг хийхэд эерэг сайн, үхэр, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2570.00 төгрөгтэй тэнцэж байгаа бол бусад валют болох рубль 39.30, юань 371.30, вон 2.28 төгрөг байна.
Өнөөдөр болох онцлох үйл явдлууд:
- Нийслэлийн Нутгийн захиргааны байгууллагуудын спортын анхдугаар наадмын шигшээ тэмцээн"Буянт Ухаа" спортын ордонд 09.00-18.00 цагийн хооронд болно.
- Чихрийн шижинтэй тэмцэх өдрийг тэмдэглэн өнгөрүүлэх тухай хэвлэлийн хурал 11.00 цагаас болно.
- Антибиотикийн хэрэглээ, хяналт, анхаарах асуудлуудаар шийдэлд хүрэх “Антибиотикийн таларх мэдлэг хандлагыг дээшлүүлэх дэлхийн 7 хоног”-ийн нээлтийн арга хэмжээ ЭМЯ-ны Б зааланд 9.30-11.00 цагийн хооронд болно.
Энэ өдөр дэлхийн түүхэнд:
- 1984 оны энэ өдөр БНСУ-ын алдарт охидын 2ne1 хамтлагын гишүүн Dara (Sandara Park) мэндэлжээ.
- Өнөөдөр Дэлхийн уушгины хатгалгааны эсрэг өдөр
- Мөн Зүүн Тимор улсад Залуусын эрхийг хамгаалах үндэсний өдөр тохиож байна.
- 1996 онд Саудын Арабын Boeing 747 онгоц Казакын Ilyushin Il-76 онгоцтой мөргөлдөж, 349 хүн амь насаа алджээ.
- 1990 онд Японы угсаа залгамжлах хунтайж Akihito албан ёсоор эзэн хаан болж, тус улсын 125 дахь эзэн хаанаар өргөмжлөгджээ.
- 1990 онд Английн инженер, эрдэмтэн Tim Berners-Lee албан ёсоор World Wide Web буюу WWW-г нэвтрүүлжээ.
