Өнөөдрийн тухай таны мэдэх ёстой 15 зүйл: Монгол Бахархлын өдөр тохиож байна

Өнөөдөр гадаа -2 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

11 дүгээр сарын 08-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 312 дахь өдөр бөгөөд он дуусахад 53 хоног үлдлээ.
2. Цаг агаар өдөртөө -2 хэмийн хүйтэн бол шөнөдөө -9 градус хүйтэн байх нь ээ.
3. Билгийн тооллын 1, есөн улаан мэнгэтэй хөх луу өдөр. Өнөөдөр үсээ авахуулах буюу засуулбал нас ахар болох гэнэ. Энэ өдөр хулгана, бич жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2570.00 төгрөгтэй тэнцэж байгаа бол бусад валют болох рубль 39.30, юань 371.30, вон 2.28 төгрөг байна.

Өнөөдөр болох онцлох үйл явдлууд:

1. 00.03 цагт сар битүү болно.
2. Монгол Улс, Данийн Хаант Улс хооронд дипломат харилцаа тогтоосны 50 жилийн ойн арга хэмжээний хүрээнд Улаанбаатар хотноо М.Хаслундын “Great Game” баримтат киноны нээлтийн арга хэмжээ Шангри-Ла төвд 16.30 цагт зохиогдоно.
3. Үндэсний номын санд “ЧИНГИС ХААНЫ ТАХИЛГЫН СУДАЛГАА” эрдэм шинжилгээний бага хурал, Монголын бурхан шашинтны төв Гандантэгчинлин хийд, Занабазарын нэрэмжит Дүрслэх урлагийн музейтэй хамтран зохион байуулж буй “ЧИНГИС ХААНЫ ШҮТЭЭН ХӨРГҮҮД” үзэсгэлэн нээлтээ хийнэ.
4. 12.00 цагт Ерөнхий сайд У.Хүрэлсүх Их Эзэн Чингис хааны хөшөөнд хүндэтгэл үзүүлнэ.
5. 11.40 цагаас Туульч Авирмэдийн Балдандорж - “Хаан цэцэн Зурхайч” туулийг Богд Хааны Ордон Музейн “Хаан туульсын өргөө”-нд Их эзэн Чингис хаан мэндэлсэн Монгол бахархлын өдөрт зориулан хайлна.
6. Төрийн эрх баригчдын хууль зөрчдөг үйлдэл хэрээс хэтэрч байгаатай холбоотойгоор МоАХ-ны Удирдах зөвлөлийнхөн 11.30 цагаас Ерөнхий прокурорт, дараагаар нь АТГ-т шаардах бичиг хүргүүлнэ.

Энэ өдөр дэлхийн түүхэнд:

1. Өнөөдөр Радиологийн Олон улсын өдөр тохиож байна.
2. Мөн өнөөдөр Интерсекс хүмүүсийн эрхийг хамгаалах өдөр тохиож байгаа юм байна.
3. 1970 оны энэ өдөр Канадын жүжигчин Майкл Жэксон мэндэлжээ.
4. 1986 оны энэ өдөр Зөвлөлт Холбоот Улсын улс төрч, хувьсгалч Вячеслав Молотов таалал төгсчээ.
5. 2013 онд Филиппинд маш хүчтэй хар салхи дэгдэж, 6340 хүн амь насаа алдаж, 1000 орчим хүн сураггүй алга болж, 2.86 тэрбум ам.долларын хор уршиг учруулж байжээ.