Өнөөдөр гадаа 2 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 06-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 310 дахь өдөр бөгөөд он дуусахад 55 хоног үлдлээ.
- Цаг агаар өдөртөө 2 хэмийн дулаан бол шөнөдөө -11 градус хүйтэн байх нь ээ.
- Билгийн тооллын 29, хоёр хар мэнгэтэй хар бар өдөр. Өнөөдөр үсээ авахуулах буюу засуулбал сүлд тэнэж одох гэнэ. Энэ өдөр морь, нохой жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2568.00 төгрөгтэй тэнцэж байгаа бол бусад валют болох рубль 39.10, юань 372.50, вон 2.27 төгрөг байна.
Өнөөдөр болох онцлох үйл явдлууд:
- Бүх нийтийн эрх зүйн боловсролыг дээшлүүлэх үндэсний боловсролыг дээшлүүлэх үндэсний хөтөлбөрийн хүрээнд ерөнхий боловсролын сургуулийн нийгмийн ажилтны эрх зүйн боловсролыг дээшлүүлэх сургалт болно.
- ҮЭ-ийн холбооны төв байрны дөрвөн давхрын хурлын зааланд өглөө 10.00 цагаас “Хөдөлмөр нийгмийн дээд сургуулийн 25 жилийн ойд зориулсан XXI зууны хөдөлмөр” сэдэвт эрдэм шинжилгээний бага хурал зохион байгуулна.
- 09.30 цагаас Туушин зочин буудлын Соёмбо танхимд хүүхэд, жирэмсэн эхчүүдийн эрүүл мэндэд агаарын бохирдлын үзүүлэх сөрөг нөлөөг бууруулах Монгол Улсын Засгийн газар, НҮБ-ын Хүүхдийн Сан болон Швейцарын хөгжлийн агентлагийн хамтарсан хөтөлбөрийн танилцуулга болно.
- 09.00 цагт "Хүнс, хөдөө аж ахуй, хөнгөн үйлдвэрийн салбарын шинжлэх ухаан, технологи, инноваци-2018" үндэсний чуулган Корпорэйт Конвеншн төвийн Эвент Холл хурлын танхимд эхэлнэ.
- 11.00 цагт "Санхүүгийн салбарын 2018 оны гуравдугаар улирлын тойм болон цаг үеийн асуудал” сэдвийн хүрээнд хэвлэлийн бага хурал зохион байгуулна.
Энэ өдөр дэлхийн түүхэнд:
- Дайн ба зэвсэгт мөргөлдөөнд байгаль орчныг ашиглахаас урьдчилан сэргийлэх олон улсын өдөр тохиож байна.
- Мөн Тажикистан болон Бүгд Найрамдах Доминикан улсад Үндсэн хуулийн өдөр тохиож байгаа аж.
- 1990 оны энэ өдөр Канад гаралтай Хятадын соло уран бүтээлч Kris Wu мэндэлжээ.
- 1968 оны энэ өдөр YAHOO-г хамтран үүсгэн байгуулсан Тайван гаралтай Америкийн инженер, бизнесмэн Jerry Yang мэндэлжээ.
- 1984 онд АНУ-ын 40 дэх Ерөнхийлөгч Ronald Reagan тус улсын Ерөнхийлөгчөөр дахин сонгогджээ.
- Харин 2012 онд АНУ-ын 44 дэх Ерөнхийлөгч Барак Обама дахин сонгогдож, Tammy Baldwin Америкийн анхны ижил хүйстэн улс төрч болж, АНУ-ын Сенатад сонгогджээ.
