Өнөөдөр гадаа -1 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 309 дахь өдөр бөгөөд он дуусахад 56 хоног үлдлээ.
- Цаг агаар өдөртөө -1 хэмийн хүйтэн бол шөнөдөө -11 градус хүйтэн байх нь ээ.
- Билгийн тооллын 28, гурван хөх мэнгэтэй цагаагчин үхэр өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр тахиа, могой жилтнээ аливаа үйлийг хийхэд эерэг сайн, луу, хонь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2468.00 төгрөгтэй тэнцэж байгаа бол бусад валют болох рубль 39.40, юань 373.50, вон 2.28 төгрөг байна.
Өнөөдөр болох онцлох үйл явдлууд:
- Үндэсний мэдээллийн төвд 11.00 цагаас Төрийн бус байгууллагууд нэгдэж УИХ-д сануулга хүргүүлэхээр болсон талаар хэвлэлийн бага хурал зарлалаа.
- 11.00-13.00 хооронд Монгол банкны замын баруун талд ханшны уналтын талаар эсэргүүцлээ илэрхийлнэ.
- 13.30 цагаас МУИС-ийн Номын сангийн 502 тоотод “МОНГОЛЫН ИХ, ДЭЭД CУРГУУЛИУДЫН ОЛОН УЛСЖИЛТ: ДЭЛХИЙН ТҮВШИНД ОЧИХ ЗАМ” сэдэвт сургалт-хэлэлцүүлэг болно.
- Нийслэлийн иргэдийн спортын 7.р наадмын шигшээ тэмцээнүүд 09.00-17.00 цагийн хооронд Буянт ухаа спорт ордонд болно.
Энэ өдөр дэлхийн түүхэнд:
- Өнөөдөр АНУ-ын Банк хоорондын шилжүүлгийн өдөр тохиож байна.
- 1984 оны энэ өдөр Эстоны сүмоч Барүто Кайто мэндэлжээ.
- Мөн БНСУ-ын алдарт дуучин, жүжигчин BoA мэндэлжээ.
- 2007 онд Гүүгл компани Андройд гар утасны үйлдлийн системийг анх танилцуулжээ.
- 2007 онд Хятадын анхны сарны хиймэл дагуул Сарны тойрог дахь орбитын хавтгайд нэвтэрчээ.
- 1943 оны Дэлхийн II дайн: Ватиканыг бөмбөгджээ.
