Өнөөдөр гадаа 12 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
11 дүгээр сарын 01-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 305 дахь өдөр бөгөөд он дуусахад 60 хоног үлдлээ.
- Цаг агаар өдөртөө 12 хэмийн дулаан бол шөнөдөө -3 градус хүйтэн байх нь ээ.
- Билгийн тооллын 23, долоон улаан мэнгэтэй улаагчин тахиа өдөр. Өнөөдөр үсээ авахуулах буюу засуулбал эд эдлэл, идээ ундаа элбэг олдох гэнэ. Энэ өдөр могой жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2568.00 төгрөгтэй тэнцэж байгаа бол бусад валют болох рубль 39.40, юань 369.50, вон 2.26 төгрөг байна.
Өнөөдөр болох онцлох үйл явдлууд:
- 11.30 цагт ХХААХҮЯ-наас зохион байгуулж буй "Малын гаралтай түүхий эд, бүтээгдэхүүний нэмүү өртгийн сүлжээ, мөшгих тогтолцооны загвар арга хэмжээ"-ний нээлтийн ажиллагаа Баянзүрх дүүргийн 1-р хорооны 12-р хорооллын И-март Чингис дэлгүүрт болж, эрүүл, чанарын баталгаатай махыг борлуулж эхэлнэ.
- 10.00 цагт Дэлхийн Банкнаас жил бүс гаргадаг ‘Бизнес Эрхэхүй’ буюу Doing Business тайланг хэвлэл мэдээллийн байгууллагуудад танилцуулна.
- Гэр хорооллын иргэдэд гал түймрээс урьдчилан сэргийлэх талаар мэдлэг, ойлголт өгөх, гал түймрийн эрсдэлийг бууруулах зорилгоор Онцгой байдлын ерөнхий газраас “Гамшгаас хамгаалах, урьдчилан сэргийлэх” өдөрлөгийг 11.00 цагт БЗД-ийн Тамгын газрын урд талбайд зохион байгуулна.
- МN мэдээллийн төвд Глоб Интернэшнл төв "Хэвлэл мэдээллийн эрх зүйн орчин ба сэтгүүлчдийн аюулгүй байдал" сэдэвт хэвлэлийн бага хурлыг "Сэтгүүлчдийн эсрэг гэмт үйлдэл ял шийтгэлгүй үлдэж буйг таслан зогсоох" олон улсын өдрийг угтан зохион байгуулна.
- Шүүхийн ерөнхий зөвлөл Азийн сантай хамтран шүүгчдэд Ёс зүйн сургалт зохион байгуулж байна. Нийслэлд “Шүүгчийн ёс зүйн сургалт” 09.00 цагт ШЕЗ-ийн байранд эхэлнэ.
Энэ өдөр дэлхийн түүхэнд:
- Өнөөдөр ЗХУ болон Украйн улсад Улс төрийн намуудын хохирогчдыг дурсгалыг хүндэтгэх өдөр тохиож байна.
- Мөн өнөөдөр Олон улсын ортопедийн эмч нарын баярын өдөр тохиож байгаа аж.
- 1984 оны энэ өдөр Америкийн алдарт жүжигчин, модел Eva Marcille мэндэлжээ.
- 1981 оны энэ өдөр АНУ-ын Ерөнхийлөгч Доналд Трампын том охин Иванка Трамп мэндэлжээ.
- 1987 онд Японд мэдээллийн технологийн NEC корпораци анхны 16 битийн видео тоглоомын консол болох "PC Engine"-ыг худалдаанд гаргажээ.
