Өнөөдрийн тухай таны мэдэх ёстой 16 зүйл: Тархины харвалт, түүний нас баралт ихсэж байгаа талаар мэдээлэл хийнэ

Өнөөдөр гадаа 9 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

10 дугаар сарын 24-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 297 дахь өдөр бөгөөд он дуусахад 68 хоног үлдлээ.
2. Цаг агаар өдөртөө 9 хэмийн дулаан бол шөнөдөө -51 градус хүйтэн байх нь ээ.
3. Билгийн тооллын 15, зургаан цагаан мэнгэтэй шарагчин үхэр өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр тахиа жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2567.00 төгрөгтэй тэнцэж байгаа бол бусад валют болох рубль 39.40, юань 370.30, вон 2.27 төгрөг байна.

Өнөөдөр болох онцлох үйл явдлууд:

1. МУСГЗ, шинжлэх ухааны доктор (Sc.D), эрдэмтэн-сэтгүүлч Ломбын Норовсүрэнгийн 70 насны ойн арга хэмжээ 14.00 цагт МУИС-ийн Номын сангийн 502 тоотод болно.
2. “Монгол гэр бүлийн өнөөгийн байдал, тулгамдсан асуудлууд, үйлчилгээний хэрэгцээ” судалгааны үр дүнг танилцуулна.
3. Хангарьд ордны 14 давхарт 14.00 цагаас Үндэсний аудитын газраас Хараат бус аудитын компаниудтай 2018-2019 онд хамтран ажиллах бодлого чиглэлийн талаар уулзалт хийнэ.
4. Монголбанкнаас сар тутам зохион байгуулдаг хэвлэлийн бага хурал 11.00 цагт болно.
5. Монголын Үндэсний музейн үзэсгэлэнгийн танхимд 10.00 цагт "Айрагийн гозгорын дурсгалууд" үзэсгэлэнгийн нээлт болно.
6. Үндэсний мэдээллийн төвд 11.00 цагт "Иргэдийн шударга шүүх" төрийн бус байгууллагын тэргүүн Х.Бат-Ялалт мэдэгдэл хийнэ.
7. Үндэсний мэдээллийн төвд 11.30 цагт "Тархины харвалт, түүний нас баралтаар Монгол Улс дэлхийд дээгүүр байр эзэлж байна. Тэгэхээр бид юу хийх ёстой вэ" сэдвээр Монголын мэдрэл судлалын нийгэмлэг, УНТЭ, ШУГТЭ, ЭМЯ хамтран мэдээлэл хийнэ.

Энэ өдөр дэлхийн түүхэнд:

1. 1985 оны энэ өдөр Английн хөлбөмбөгчин Уэйн Рүүни мэндэлжээ.
2. 1994 оны энэ өдөр F(x) хамтлагын гишүүн Кристал (Chrystal Soo Jung) мэндэлжээ.
3. 2011 онд Британы алтернатив рок чиглэлээр тоглодог Колдплей хамтлагийн 5 дахь албан ёсны цомог "Mylo Xyloto" цацагджээ. Тус албум нь гарснаасаа хойш дэлхий даяар 17 улсын цомгийн борлуулалтын жагсаалтыг тэргүүлсэн бөгөөд Британид тэргүүн байранд орсон тэдний 5 дахь цомог нь Mylo Xyloto болжээ.
4. Өнөөдөр АНУ-д Хоолны өдөр тохиож байгаа юм байна.
5. 1973 оны Хүйтэн дайны нэг хэсэг болох Египет болон Сирийн Израйлийн эсрэг дайн төгсгөл болжээ.