Өнөөдрийн тухай таны мэдэх ёстой 15 зүйл: УИХ-ын гишүүн Б.Дэлгэрсайханы хамаарал бүхий компаниуд хэрхэн хууль зөрчиж байгаа талаар мэдээлэл хийнэ

Өнөөдөр гадаа 14 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

Аравдугаар сарын 11-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 289 дахь өдөр бөгөөд он дуусахад 76 хоног үлдлээ.
2. Цаг агаар өдөртөө 14 хэмийн дулаан бол шөнөдөө 0 градус хүйтэн байх нь ээ.
3. Билгийн тооллын 7, таван шар мэнгэтэй цагаагчин могой өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр үхэр жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2568.00 төгрөгтэй тэнцэж байгаа бол бусад валют болох рубль 39.00, юань 372.70, вон 2.27 төгрөг байна.

Өнөөдөр болох онцлох үйл явдлууд:

1. Нийслэлийн инновацийн газрын сургалтын танхимд нийслэлийн халамж, асрамжийн төвийн сэтгэлзүйч, нийгмийн ажилтануудад бэлгийн хүчирхийлэлд өртсөн хүүхэд болон тэдний гэр бүлд нийгмийн ажил үйлчилгээ үзүүлэх болон сэтгэл зүйн тусламж, үйлчилгээ үзүүлэх арга зүйг нэмэгдүүлэх зорилготой сургалтыг зохион байгуулна.
2. 13.00 цагт МУИС-ийн шинэ номын сангийн хурлын танхимд “Нотариатын нийгэмд гүйцэтгэх үүрэг” сэдэвт Олон улсын эрдэм шинжилгээний бага хурал болно.
3. Монгол Улсын Ерөнхий сайд У.Хүрэлсүхийн ивээл дор зохион байгуулагдах “Спорт ба Хөгжил” улсын зөвлөгөөний хэвлэлийн хурал 11.00 цагт Спортын төв ордны 4-н давхрын хурлын танхимд болно.
4. Далайд гарцгүй хөгжиж байгаа орнуудын олон улсын судалгаан төв болон НҮБ-ын Худалдаа хөгжлийн бага хурал хамтран аравдугаар сарын 16-17-ны өдрүүдэд Улаанбаатар хотноо НҮБ-ын Байранд “Ази тивийн далайд гарцгүй хөгжиж байгаа зарим орны эдийн засгийн бүтцийн өөрчлөлт ба экспортын төрөлжүүлэлтийг дэмжих нь” сэдэвт бүс нутгийн семинар зохион байгуулна. Нээлт 10.00 цагаас болно.
5. MN-Мэдээллийн төвд 11.30 цагаас УИХ-ын гишүүн Б.Дэлгэрсайханы хамаарал бүхий компаниуд хэрхэн хууль зөрчиж байгаа талаар иргэд мэдээлэл хийнэ.

Энэ өдөр дэлхийн түүхэнд:

1. Польш улсад жил бүрийн аравдугаар сарын 16-ныг буюу Жон Паул пап ламын мэндэлсэн өдрийг өргөн дэлгэр тэмдэглэдэг аж.
2. Өнөөдөр Дэлхийн хоолны өдөр тохиож байна.
3. Мөн өнөөдөр Чили улсад Багш нарын эрхийг хамгаалах өдөр тохиож байгаа гэнэ.
4. 1983 оны энэ өдөр Швед улсын алдарт дуучин Loreen мэндэлжээ.
5. Мөн 1969 оны энэ өдөр Америкийн алдарт дуучин, ая зохиогч Wendy Wilson мэндэлжээ.
6. 1995 онд Шотландын Eilean Bаn арал дээрх Skye Bridge гүүр баригджээ.