Өнөөдрийн тухай таны мэдэх ёстой 14 зүйл: Долларын ханш тогтворжиж байна

Өнөөдөр гадаа 15 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

Аравдугаар сарын 11-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 288 дахь өдөр бөгөөд он дуусахад 77 хоног үлдлээ.
2. Цаг агаар өдөртөө 15 хэмийн дулаан бол шөнөдөө -1 градус хүйтэн байх нь ээ.
3. Билгийн тооллын 6, зургаан цагаан мэнгэтэй цагаан луу өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2567.00 төгрөгтэй тэнцэж байгаа бол бусад валют болох рубль 39.00, юань 374.00, вон 2.26 төгрөг байна.

Өнөөдөр болох онцлох үйл явдлууд:

1. 09.00 цагт "Хүнсний аюулгүй байдал: Хүнсний экспорт-2018" эрдэм шинжилгээний бага хурал ХХААХҮЯ-ны хурлын танхимд эхэлнэ.
2. “Шүүгчийн ажлын ачаалал тодорхойлох судалгааны тайлан” сэдэвт хэлэлцүүлэг 09.00 цагт Шүүхийн ерөнхий зөвлөлийн байранд болно.
3. "Шинжлэх ухааны Академийн грант - 2018" минисимпозиум 10.00 цагаас ШУА-ийн байранд болно.
4. Монголын Үндэсний Худалдаа Аж Үйлдвэрийн Танхим нь БНХАУ-ын Гуандун мужийн Олон Улсын Худалдааг Дэмжих Хороотой хамтран Гуандун мужийн барилгын материал, тоног төхөөрөмжийн үйлдвэрлэгч, төрөлжсөн худалдааны төвүүдтэй газар дээр нь очиж танилцах, Хятадын хамгийн том экспорт импортын 124 дaхь удаагийн “CANTON FAIR” олон улсын үзэсгэлэнг үзэж сонирхох зорилгоор ээлжит бизнес аялалаа зохион байгуулна.

Энэ өдөр дэлхийн түүхэнд:

1. Өнөөдөр дэлхийн оюутны эрхийн өдөр тохиож байна.
2. Мөн Латины үндэсний ДОХ-ын эсрэг өдөр тохиож буй.
3. 1969 оны энэ өдөр Английн алдарт жүжигчин, найруулагч Dominic West мэндэлжээ.
4. 1990 онд ЗХУ-ын ерөнхийлөгч Михаил Сергеевич Горбачёв Нобелийн шагнал хүртжээ.
5. 2011 онд 16 оронд зэрэг өрнөсөн олон улсын бослого хөдөлгөөн эхэлжээ.