Өнөөдрийн тухай таны мэдэх ёстой 15 зүйл: Долларын ханш буурч эхэллээ

Өнөөдөр гадаа 1 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

Аравдугаар сарын 05-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 278 дахь өдөр бөгөөд он дуусахад 87 хоног үлдлээ.
2. Цаг агаар өдөртөө 1 хэмийн дулаан бол шөнөдөө -4 градус хүйтэн байх нь ээ.
3. Билгийн тооллын 26, долоон улаан мэнгэтэй цагаан морь өдөр. Өнөөдөр үсээ авахуулах буюу засуулбал жаргал үргэлжид ирэх гэнэ. Энэ өдөр нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2570.00 төгрөгтэй тэнцэж байгаа бол бусад валют болох рубль 39.30, юань 375.00, вон 2.26 төгрөг байна.

Өнөөдөр болох онцлох үйл явдлууд:

1. 10.00 цагт Хан-Уул дүүргийн нэгдсэн эмнэлгийн "Давс багатай бүтээгдэхүүн үйлдвэрлэлийг дэмжье" арга хэмжээнд нэгдсэнээр гарсан үр дүнтэй газар дээр нь танилцана.
2. ОХУ-ын шилдэг альпинист Сергей Глазуновын дурсгалд зориулсан гэрэл зургийн үзэсгэлэн 10.30 цагт нээгдэнэ.
3. 13.20 цагт "Корпорэйт конвэншн центр"-т БСШУСЯ наас зохион байгуулж буй Монголын болон олон улсын багш нарын баярын нэгдсэн арга хэмжээ болно.
4. Монгол Улсын Шинжлэх ухааны гавьяат зүтгэлтэн, түүхийн шинжлэх ухааны доктор, профессор, академич Жигжидийн Болдбаатарын эрдэм шинжилгээний бүтээлийн чуулган 3 боть номын нээлт 14.00 цагт МУИС-ийн Номын сангийн 502 тоот хурлын танхимд болно.
5. 09.30 цагаас 3дугаар хороололд байрлах Лион товер зочид буудлын А болон В танхимд 2дахь өдрөө үргэлжилж буй “МОНГОЛЫН ДҮРС ОНОШИЛГООНЫ ҮНДЭСНИЙ ЧУУЛГАНЫ хэлэлцэх асуудлын хүрээнд Монгол дахь компьютер томографийн шинжилгээний хөгжлийн асуудлаар илтгэл тавьж хэлэлцүүлэг хийнэ.
6. 09.00 цагт Монголын Үндэсний Номын санд Хэл, утга зохиол судлаач нэрт эрдэмтэн, Д.Нацагдоржийн шагналт БАЛДАНЫ СОДНОМЫН мэндэлсний 110 жилийн ойд зориулсан олон улсын эрдэм шинжилгээний хурал болно.

Энэ өдөр дэлхийн түүхэнд:

1. Дэлхийн багш нарын баярын өдөр өнөөдөр тохиож байна.
2. 1980 оны энэ өдөр Улсын начин Лувсанрагчаагийн Нямсүрэн мэндэлжээ.
3. Мөн 1987 оны энэ өдөр T-Ara хамтлагын гишүүн Soyeon мэндэлжээ.
4. Мөн өнөөдөр Болив улсад Инженерүүдийн баярын өдөр тохиож буй аж.
5. 1962 онд "The Beatles" хамтлагийн анхны сингл цомог болох "Love Me Do" Их Британид худалдаанд гарч эхэлжээ.