Өнөөдрийн тухай таны мэдэх ёстой 18 зүйл: Оюутолгойн 51 хувийг ард түмэнд өгөхийг шаардсан 100 хүн өлсгөлөн зарлана

Өнөөдөр гадаа 9 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

Аравдугаар сарын 04-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 277 дахь өдөр бөгөөд он дуусахад 88 хоног үлдлээ.
2. Цаг агаар өдөртөө 9 хэмийн дулаан бол шөнөдөө 4 градус дулаан байх нь ээ.
3. Билгийн тооллын 25, найман цагаан мэнгэтэй шарагчин могой өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр тахиа жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2575.00 төгрөгтэй тэнцэж байгаа бол бусад валют болох рубль 39.80, юань 376.00, вон 2.27 төгрөг байна.

Өнөөдөр болох онцлох үйл явдлууд:

1. 11.40 цагаас “Интерном” номын дэлгүүрт МУБИС, Нагоя Их Сургуулийн хамтарсан “Хүүхдийн хөгжлийг дэмжих төв”-ийн эрхлэгч Доктор Д. Одгэрэл, тусгай боловсролын мэргэжилтэн Б. Намираа нарын “Тусгай боловсрол” номын нээлт болно.
2. Оюутолгой 51 хувийг Ард түмэнд өмчлүүлэхийг хүссэн 10.000 иргэний гарын үсэг зурсан иргэдээс эхний ээлжинд 100 хүн нь өлсгөлөн зарлах хүсэлтэй байгаагаа илэрхийлсэн тухай хэвлэлийн хурлыг Оюу толгой кампани төв байрны нэг давхарт 12.00 цагаас хийнэ.
3. 09.00 цагаас Бичил биетний олон янз байдлыг хадгалах, хамгаалах, тогтвортой ашиглах нь сэдэвт Азийн 15 дахь удаагийн хурал BLUE SKY towar-n 3 давхарт болно.
4. 11.30 цагаас Нийслэлийн “Шүд эрүү нүүрний төв”-ийн шинэ байрны нээлтийн ажиллагаа болно. Нээлтийн ажиллагаанд ЭМ-ийн сайд, НИТХ-ын дарга С.Амарсайхан, НЗД С.Батболд болон албаны хүмүүс оролцоно.
5. МУИС-ийн профессор, Макс Планкийн Нийгмийн антропологийн хүрээлэнгийн ахлах судлаач Л.Мөнх-Эрдэнийн "Тэргүүнгүй төр: Улс төр, үндэстний асуудал, дээд боловсрол” номын нээлтийн ёслол 16.00 цагаас МУИС-ийн хичээлийн II байрны 439 тоотод болно.
6. Дэлхийн Банкнаас бүс нутгийн эдийн засгийн шинэчилсэн тайланг танилцуулах хэвлэлийн хурал МCS Plaza, 4 давхарт 10.00 цагаас болно.
7. Үндэсний мэдээллийн төвд 11.00 цагаас Хэвлэл мэдээллийн зөвлөлөөс 2015 оноос хойш сэтгүүлзүйн бүтээл, сэтгүүлчийн ёс зүйтэй холбоотойгоор хүлээн авсан гомдол, тэдгээрийн шийдвэр болон сэтгүүлч редакцуудын гаргадаг түгээмэл алдааны талаар дэлгэрэнгүй мэдээллийг анх удаа олон нийтэд хүргэхээр хэвлэлийн бага хурал зарлалаа.
8. УДБЭТ-ын 68 жилийн ой, 56 дахь тоглолтын улирлын нээлтийн тухай хэвлэлийн хурал 12.00 цагаас УДБЭТ-ийн 2 давхрын фоейнд зохион байгуулагдана.

Энэ өдөр дэлхийн түүхэнд:

1. Өнөөдөр бол Амьтдын эрх ашгийг хамгаалах олон улсын өдөр.
2. Мөн өнөөдөр Дэлхийн сансрын 7 хоног эхэлж байна.
3. 1988 оны энэ өдөр Wonder Girls хамтлагийн дуучин Юүбин (Ким Юү-Бин) мэндэлжээ.
4. 1963 онд Куба болон Хайти аралд үүссэн "Flora" хэмээн нэрлэгдсэн хүчтэй хар салхи 6.000 орчим хүний амийг авч оджээ. Энэхүү хар салхи нь Атлантын талбайд үүссэн хар салхинуудаас хамгийн хор хөнөөлтэй нь хэмээн түүхэнд бичигдэн үлджээ.
5. 1976 онд Английн хамгийн хурдны галт тэрэг болох "InterCity 125" тавигджээ.
6. 1965 онд VI пап хамба лам Нью-Йорк хотноо айлчилж, Америкт анх удаа зочилсон пап лам болж байжээ.