Өнөөдөр гадаа 18 градусын дулаан байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
Аравдугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 276 дахь өдөр бөгөөд он дуусахад 89 хоног үлдлээ.
- Цаг агаар өдөртөө 18 хэмийн дулаан бол шөнөдөө 2 градус дулаан байх нь ээ.
- Билгийн тооллын 24, есөн улаан мэнгэтэй шар луу өдөр. Өнөөдөр үсээ авахуулах буюу засуулбал өвчин эмгэг гэнэ. Энэ өдөр хулгана, бич жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2574.00 төгрөгтэй тэнцэж байгаа бол бусад валют болох рубль 39.80, юань 374.00, вон 2.27 төгрөг байна.
Өнөөдөр болох онцлох үйл явдлууд:
- Чингис зочид буудлын хурлын танхимд 09.00 цагт цөмийн оношилгооны асуудлаар олон улсын онол практикийн анхдугаар хурал эхэлнэ.
- 12.00 цагт Монгол Улсын консерваторид Багш нарын баярын хүндэтгэлийн ёслолоо хийх бөгөөд энэ үеэр БСШУС-ын сайд Ц.Цогзолмаа зарим хөгжим техникийг албан ёсоор хүлээлгэж өгнө.
- Монгол Улсад учирч буй мөнгөн усны аюулыг олон нийтэд таниулах зорилготой “Мөнгөн усны чимээгүй аюул..., Минамата конвенц” гэрэл зургийн үзэсгэлэнгийн нээлт 11.00 цагт Цэнгэг усны нөөц, байгаль хамгаалах төвд болно.
- "Ардчилсан эмэгтэйчүүдийн холбоо"-ны бүх шатны сонгуульд нэр дэвшигчид 11.30 цагт үнэмлэхээ гардана. Арга хэмжээ "Blue sky" зочид буудлын хурлын танхимд болох бөгөөд Ардчилсан намын удирдлагууд оролцоно.
- 10.00 цагт ХХААХҮЯ-ны ажлын хэсэг СХД-ийн 112 дугаар цэцэрлэг, ДЦС-4-ий Эрчим зоогийн газар, Мах маркет компани өөрсдийн хоол, цай, бүтээгдэхүүний давсны агууламжийг хэрхэн бууруулсан, ямар үр дүн гарсантай газар дээр нь танилцана.
- “Байгаль орчинд ээлтэй тогтвортой тээвэр” Азийн бүсийн орнуудын чуулга уулзалтын нээлт 09.00 цагт Шангрила зочид буудлын Ballroom танхимд болно.
- 10.30 цагт Эрүүл мэндийн яамны арын талбайд Эрүүл мэндийн салбарын парк шинэчлэлийн хүрээнд Эрүүл мэндийн сайд Д.Сарангэрэл, Орон нутгийн эрүүл мэндийн байгууллагуудад түргэн тусламжийн автомашин гардуулна.
- Нийслэл Улаанбаатар хотод 9-р сарын 21-нд эхэлсэн Нийгмийн үзүүлэлтийн түүвэр судалгааны баг 11.00 цагаас Сүхбаатарын талбайгаас 21 аймаг руу гарах гэж байна.
Энэ өдөр дэлхийн түүхэнд:
- Өнөөдөр Германы эв нэгдлийн өдөр тохиож байна.
- 1959 оны энэ өдөр сүмогийн 27 дахь ёкозүна Точигияма Мория мэндэлжээ.
- 1984 оны энэ өдөр БНСУ-ын алдарт жүжигчин, дуучин Yoon Eun-hye мэндэлжээ.
- 1952 онд Их Британи улс анх удаа цөмийн зэвсгийн туршилтыг амжилттай явуулжээ. Ингэснээрээ цөмийн эрчим хүчээрээ дэлхийд тэргүүлэх гурван орны нэг болж чадсан байна.
- 2013 онд Итали руу дүрвэгсдийн сууж байсан усан онгоц Италийн "Lampedusa" арлын ойролцоо осолдож, 134 дүрсэгсэд амь насаа алджээ.
