Өнөөдрийн тухай таны мэдэх ёстой 15 зүйл: “ICTEXPO-2018” үзэсгэлэн нээлтээ хийнэ

Аравдугаар сарын 01-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 274 дахь өдөр бөгөөд он дуусахад 91 хоног үлдлээ.
2. Цаг агаар өдөртөө 14 хэмийн дулаан бол шөнөдөө 1 градус дулаан байх нь ээ.
3. Билгийн тооллын 22, хоёр хар мэнгэтэй улаан бар өдөр. Өнөөдөр үсээ авахуулах буюу засуулбал идээ ундаа элбэг олдох гэнэ. Энэ өдөр морь, нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
4. Манай улсын голлох валют болох ам.долларын ханш 2565.00 төгрөгтэй тэнцэж байгаа бол бусад валют болох рубль 39.10, юань 372.50, вон 2.26 төгрөг байна.

Өнөөдөр болох онцлох үйл явдлууд:

1. Индонек улсын Жакарта хотод болсон Азийн 18 дугаар наадмыг сурвалжилсан гэрэл зурагчид 15.00 цагаас "bluemon" төвийн галлерейд үзэсгэлэнгээ дэлгэнэ.
2. Исламын Бүгд найрамдах Афганистан Улсад явагдаж буй НАТО-гийн цэргийн хүчний тэргүүлсэн “Шийдвэртэй дэмжлэг” олон улсын ажиллагаанд АНУ-ын Зэвсэгт хүчинтэй хамтран үүрэг гүйцэтгэх Монгол Улсын Зэвсэгт хүчний Цэргийн багийн бие бүрэлдэхүүний Жанжин туганд хүндэтгэл үзүүлэх ёслолын ажиллагаа ЗХЖШ-ын жагсаалын талбайд 11.30 цагт зохион байгуулагдана.
3. "Монголын хөрөнгийн бирж" ТӨХК нь Зээлийн батлан даалтын сантай хамтран биржээр арилжаалагдах компанийн өрийн бичигт /бонд/ батлан даалт гаргах чиглэлд харилцан ойлголцлын санамж бичигт гарын үсэг зурах ёслолын арга хэмжээ 09.30-10.30 цагт болно.
4. Мэдээлэл технологийн салбарын хөгжил дэвшил, шинээр нэвтэрч буй техник технологийг олон нийтэд танилцуулдаг “ICTEXPO-2018” үзэсгэлэнгийн нээлт 12.00 цагт Мишээл экспо төвд болно.
5. MN-Мэдээллийн төвд 11.00 цагаас “Байдраг нутаг усаа хайрлан хамгаалъя” ТББ-аас Баянхонгор аймгийн Жаргалант сум дахь хууль бус алт олборлолт, Байдрагийн голыг бохирдуулж буй бохир үйл ажиллагааны талаар мэдээлэл хийнэ.
6. MN-Мэдээллийн төвд 12.00 цагаас Бүгд найрамдах намаас цаг үеийн асуудлаар хэвлэлийн бага хурал зарлалаа.

Энэ өдөр дэлхийн түүхэнд:

1. Өнөөдөр Дэлхийн веган буюу ногоон хоолтнуудын өдөр тохиож байна.
2. Мөн Олон улсын Ахмадуудын баяр тохиож буй.
3. Узбекстан улсад Багш нарын баярын өдөр тохиож байна.
4. 1971 онд Walt Disney World Флорида мужид нээлтээ хийжээ.
5. 1979 онд II Пап лам Жон Паул гадаад дахь айлчлалаа АНУ-аас эхэлж байжээ.